لبنان کے وزیر نے ہتھیاروں کے انحصار کے معاملے کو بےفائدہ قرار دیا

لبنان کے وزیر نے ہتھیاروں کے انحصار کے معاملے کو بےفائدہ قرار دیا

 لبنان کے وزیر  محمد حیدر نے حکومت کی اس پالیسی پر سخت تنقید کی ہے جس کے تحت ملک میں ہتھیاروں کے انحصار پر بحث کی جا رہی ہے۔ ان کا کہنا ہے کہ ایسے وقت میں جب اسرائیلی فوج مسلسل لبنان پر بمباری کر کے عام شہریوں کو نشانہ بنا رہی ہے، اس معاملے پر بات کرنا لاحاصل ہے۔

محمد حیدر نے اپنے ایک بیان میں کہا کہ جمعے کو حکومت کی کابینہ کا اجلاس ہتھیاروں کے انحصار پر غور کرنے کے لیے بلایا گیا ہے، جبکہ اسرائیل راتوں کو خونریز پیغام دے رہا ہے کہ نہ اسے ہمارے فیصلوں کی پرواہ ہے اور نہ ہی کسی قسم کی سفارتکاری یا میانجیگری کی۔

انہوں نے سوال اٹھایا کہ اس دشمن کے خلاف مزاحمت کے لیے موجود ہتھیاروں پر بحث کا فائدہ کیا ہے؟ کیا لبنان کے اتحاد اور یکجہتی کا وقت نہیں آ گیا؟ حکومت کی طرف سے ان خونریز حملوں پر مؤثر ردعمل کہاں ہے؟ اگر ہم نے اس پر غور نہ کیا تو معاشرہ اور انسانیت تباہی کی طرف جا سکتے ہیں۔

واضح رہے کہ وزیراعظم نواف سلام کی کابینہ جمعے کو ہونے والے اجلاس میں اس منصوبے پر غور کرے گی جس کے تحت لبنان میں ہتھیار صرف حکومت کے کنٹرول میں ہوں گے۔ فوج اس حوالے سے اپنا عملی خاکہ بھی پیش کرنے والی ہے۔

یہ سب ایسے وقت میں ہو رہا ہے جب اسرائیل 27 نومبر 2024 کے طے شدہ جنگ بندی معاہدے کی خلاف ورزی کرتے ہوئے روزانہ لبنان کی سرزمین پر حملے کر رہا ہے اور عالمی ادارے اس پر خاموش ہیں۔ اسی وجہ سے لبنان کے اندر حکومت کی پالیسیوں پر شدید تنقید بڑھ رہی ہے۔