سوئیڈن حکومت کی واٹس ایپ اور سگنل کے پیغامات تک رسائی کی کوشش

🗓️ 26 فروری 2025

سچ خبریں:سوئیڈن کی حکومت واٹس ایپ اور سگنل کی پیغامات کی تاریخ تک رسائی کے لیے قانون منظور کرنے کی کوشش کر رہی ہے!

سوئیڈن کی حکومت ایک ایسا قانون منظور کرنے کی کوشش کر رہی ہے جس کے تحت واٹس ایپ اور سگنل جیسے پیغام رسانی کے ایپس صارفین کے پیغامات محفوظ کرنے اور انہیں ملکی سیکیورٹی اداروں کو فراہم کرنے کی پابند ہوں گی۔

یہ بھی پڑھیں:واٹس ایپ پر نامعلوم نمبرز سے میسیجز کو روکنے کے فیچر کی آزمائش

سوئیڈن ہرالڈ کی رپورٹ کے مطابق، سوئیڈن کی حکومت ایک بل منظور کرنا چاہتی ہے جس کے تحت واٹس ایپ اور سگنل جیسے پیغام رسانی کے ایپس کو صارفین کے پیغامات ذخیرہ کرنے اور ان کو سوئیڈن کی سیکیورٹی ایجنسیوں کو فراہم کرنا ہوں گے۔

سگنل فاؤنڈیشن کے سی ای او، مرڈتھ وِٹکر نے کہا کہ اس طرح کے قانون کی منظوری، سگنل کو بیک ڈور (ایسا کوڈ جو سیکیورٹی پابندیوں کو بائی پاس کرکے غیر مجاز رسائی کو ممکن بناتا ہے) تخلیق کرنے پر مجبور کرے گی۔

ان کا کہنا تھا کہ اگر ہم سوئیڈن کے مطالبے کے مطابق سیکیورٹی میں رخنہ ڈالیں، تو ہمارا پورا نیٹ ورک خطرے میں پڑ جائے گا لہٰذا ہم ایسا نہیں کریں گے اور سوئیڈن چھوڑ دیں گے۔

مزید پڑھیں:واٹس ایپ میسیجز میں گوگل سرچ کی آزمائش

اس بل کا مقصد پولیس اور سیکیورٹی ایجنسیوں کو پیغامات کی تاریخ تک رسائی فراہم کرنا ہے تاکہ مشتبہ افراد اور مجرموں کو پکڑا جا سکے، یہ بل ممکنہ طور پر اگلے سال تک منظور ہو سکتا ہے۔