سعودی جنگی طیاروں کی یمنی صوبے مأرب پر وسیع بمباری؛1شہید، 3زخمی

?️ 3 اکتوبر 2021

سچ خبریں:سعودی جنگی طیاروں کی جانب سے یمنی صوبے مأرب کے رہائشی علاقوں پر آج صبح کیے جانے والے حملوں میں ایک شہری شہید اور تین دیگر شدید زخمی ہوئے۔

المسیرہ چینل کی رپورٹ کے مطابق سعودی جارح اتحاد کی جانب سے یمن میں شہریوں کے خلاف کیے جانے والے جرائم کا سلسلہ جاری ہے، سعودی لڑاکا طیاروں نے آج صبح مأرب کے علاقے حریب پر بمباری کی۔

رپورٹ کے مطابق مأرب میں رہائشی علاقوں پر سعودی لڑاکا طیاروں کے حملوں کے نتیجہ میں ایک شہری شہیدہوا، دریں اثناء تین دیگر شہری بھی ان حملوں میں شدید زخمی ہوئے۔

واضح رہے کہ اس سے قبل سعودی اتحاد نے جمعہ اور ہفتہ کو صوبہ صعدہ میں سات شہریوں کو شہید اور 16 کو زخمی کیا تھا،یادرہے کہ حال ہی میں یمنی انصار اللہ تحریک کے ترجمان محمد عبدالسلام نے ٹویٹ کیاکہ جو بھی یمن میں امن چاہتا ہے اسے فوجی جارحیت کو روکنا چاہیے۔

عبدالسلام نے یہ بھی کہاکہ یمن میں کسی بھی امن کے قیام کی پیشکش جارحیت کے جاری رہتے ہوئے اور محاصرہ ختم کیے بغیر نیز غیر ملکی اور قابض افواج کے اس ملک سے نکالنے کے بغیر ممکن نہیں ہے،

انھوں نے مزید کہ یمن نے کبھی کسی ملک پر حملہ نہیں کیا جبکہ وہ اپنے حق آزادی کا مطالبہ کر رہا ہے۔