روسی صدر اور سعودی ولی عہد کی اوپک میں تعاون کے بارے میں گفتگو

🗓️ 22 جولائی 2022

سچ خبریں:روس کے صدر پیوٹن اور سعودی عرب کے ولی عہد محمد بن سلمان نے جمعرات کے روز اوپک میں مزید تعاون کے سلسلہ میں تبادلۂ خیال کیا۔
کریملن پیلس نے ایک بیان میں اعلان کیا ہے کہ روسی صدر ولادیمیر پوتن اور سعودی ولی عہد محمد بن سلمان نے جمعرات کو ٹیلی فون پر بات چیت میں اوپیک+ میں مزید تعاون کی اہمیت پر زور دیا۔

واضح رہے کہ یہ گفتگو امریکی صدر جوبائیڈن کی سعودی عرب میں بن سلمان کے ساتھ ملاقات کے 6 دن بعد ہوئی ہے،اس میں واشنگٹن اور ماسکو کے لیے اس ملک کی اہمیت کو ایسے وقت میں ظاہر کیا گیا ہے جب یوکرین کی جنگ نے توانائی کی عالمی منڈیوں کو متاثر کیا ہے۔

کریملن کے بیان میں کہا گیا ہے کہ اس گفتگو میں تیل کی عالمی منڈی کی موجودہ صورتحال کا جائزہ لیا گیا اور دونوں فریقوں نے OPEC+ کے فریم ورک کے اندر زیادہ سے زیادہ ہم آہنگی کی اہمیت پر زور دیا، گفتگو کے دوران دونوں ممالک نے اس بات پر زور دیا کہ OPEC+ گروپ میں شریک ممالک توانائی کی عالمی منڈی میں ضروری توازن اور استحکام کو برقرار رکھنے کے میدان میں اپنی ذمہ داریوں کو مسلسل پورا کرتے ہیں۔