رفح کراسنگ کے بارے میں صیہونی فوج کا دعوی

?️ 7 مئی 2024

سچ خبریں: صہیونی فوج نے رفح کراسنگ کا مکمل کنٹرول حاصل کرنے کا دعویٰ کیا ہے۔

الجزیرہ نیوز چینل کی رپورٹ کے مطابق اسرائیلی فوج نے دعویٰ کیا ہے کہ انہوں نے رفح کراسنگ کا مکمل کنٹرول حاصل کرلیا ہے۔

بیت المقدس کی قابض حکومت کی فوج نے یہ کہا ہے کہ اس کراسنگ کا کنٹرول سنبھالنے کے بعد اسرائیلی فورسز اس علاقے میں بڑے پیمانے پر آپریشن شروع کریں گی۔

یہ بھی پڑھیں: رفح کے مکینوں کو بے گھر کرنے کے لیے عرب حکومتوں کی ملی بھگت

الجزیرہ نے ایک گھنٹہ قبل خبر دی تھی کہ صہیونی افواج نے غزہ کی پٹی کے جنوب میں رفح کراسنگ پر حملہ کیا ہے۔

اس سلسلے میں رفح کراسنگ کے میڈیا افسر وائل ابو عمر نے المیادین چینل کے ساتھ گفتگو میں تاکید کی کہ رفح کراسنگ کے ذریعے مسافروں کی نقل و حرکت اور اس کراسنگ کے ذریعے غزہ کی پٹی میں انسانی امداد کا داخلہ مکمل طور پر روک دیا گیا ہے.

انہوں نے مزید کہا کہ رفح کراسنگ میں صیہونی حکومت کے ٹینکوں کے داخلے کے بعد یہ عمل روک دیا گیا ہے۔

کل رات صیہونی ذرائع نے اس حکومت کی جنگی کابینہ کی طرف سے رفح پر صیہونی حکومت کے حملے کے پہلے مرحلے کی منظوری کا اعلان کیا۔

اس رپورٹ کے مطابق صیہونی حکومت کی فوج کے ترجمان Avikhai Adrei نے پیر کی شام جنوبی غزہ میں واقع رفح کے مشرق میں زمینی حملے کے پہلے مرحلے کے آغاز کا باضابطہ اعلان کیا۔

مزید پڑھیں: قاہرہ اجلاس سے غزہ پر پھر بمباری!

واضح رہے کہ غزہ کے انتہائی جنوبی مقام پر واقع رفح شہر میں تقریباً 15 لاکھ فلسطینی پناہ گزینوں نے پناہ لے رکھی ہے، اس علاقے پر اسرائیل کے حملے کی صورت میں فلسطینی پناہ گزینوں کے پاس جانے کی کوئی جگہ نہیں ہو گی۔