داعش کا مقابلہ کرنے کے لیے الحشد الشعبی کی خصوصی بٹالین

?️ 16 مارچ 2022

سچ خبریں:عراق کے صوبہ دیالہ میں الحشد الشعبی کے ترجمان نے اعلان کیا ہے اس صوبے میں داعش کا مقابلہ کرنے کے لیے خصوصی فورس تشکیل دی گئی ہے۔
دیالہ میں قائم حشد الشعبی محور کے ترجمان صادق الحسینی نے ایک پریس کانفرنس میں کہاکہ دیالہ میں سکیورٹی اہداف اور شہریوں پر حملہ کرنے کے لیے اسنیپنگ داعش کا ایک ہتھیار بن گیا ہے۔

الحسینی نے مزید کہاکہ الحشد الشعبی نے ایک بٹالین تشکیل دی ہے جو داعش کے دہشت گرد اسنائپرز کے تعاقب کے لیے مخصوس ہے، ایک ماہر اور خصوصی یونٹ جس کے تمام شعبوں کے قابل قدر تجربات ہیں۔

الحشد الشعبی کے ترجمان نے مزید کہاکہ مذکورہ بٹالین کو بعض علاقوں میں تعینات کیا جائے گا جس کا مقصد داعش کے اسنائپرز کا پیچھا کرنا اور ان کا شکار کرنا ہے۔

یادرہے کہ دیالہ صوبے میں حالیہ مہینوں میں داعش کے اسنائپرز کی کارروائیوں میں نمایاں اضافہ دیکھنے میں آیا ہے اور فیلڈ مبصرین کا کہنا ہے کہ اسنائپرز کی جانب سے داعش کی 60 فیصد دہشت گردانہ کارروائیوں میں مختلف شہری اہداف اور سکیورٹی فورسز کو ٹارگٹ کرکے نقصان پہنچایا جاتا ہے جس کا مقابلہ کرنے کے لیے الحشد الشعبی نے یہ یونٹ بنائی ہے،یادرہے کہ الحشد الشعبی کی اس سے پہلے بھی داعش کا خاتمہ کرنے میں نمایاں کردار ہے۔