حج کے موسم میں مکہ میں غیر قانونی داخلے پر جرمانہ

?️ 15 جون 2023

سچ خبریں:سعودی عرب کی پبلک سیکیورٹی نے اعلان کیا ہے کہ حج کے دوران مکہ میں بغیر اجازت کے داخل ہونا ممنوع ہے اور جو بھی بغیر اجازت داخل ہوگا اس پر جرمانہ عائد کیا جائے گا۔

اس بیان کے مطابق حج کے موسم میں بغیر اجازت مکہ میں داخل ہونے والے افراد کو 6 ماہ قید اور 50 ہزار ریال جرمانہ دینا ہوگا۔

حج 1402 کے دوران مکہ میں غیر قانونی داخلے پر مالی جرمانے میں گزشتہ سال کے مقابلے میں 5 گنا اضافہ ہوا ہے اور گزشتہ سال یہ جرمانہ 10 ہزار ریال تھا۔

سعودی عرب کی پبلک سیکیورٹی نے اس بات پر زور دیا کہ تمام عازمین کو مکہ میں داخل ہونے اور مناسک حج ادا کرنے کے لیے حج ویزا حاصل کرنا ہوگا اور ان دنوں میں زیارتی یا تفریحی ویزا درست نہیں ہے۔

اس سعودی ادارے کے بیان کے مطابق مکہ میں غیر قانونی طور پر داخل ہونے والے کی سزا میں نقل و حمل کے ذرائع کو ضبط کرنا بھی شامل ہے۔

سعودی عرب کی پبلک سیکیورٹی نے سعودی شہریوں سے بھی کہا کہ وہ حج اور عمرہ کے ضوابط اور احکامات پر عمل کریں اور ساتھ ہی ساتھ مکہ مکرمہ اور ریاض کے علاقوں میں حج پروگراموں پر عمل درآمد اور خلاف ورزیوں کی اطلاع 911 نمبر پربھیجیں

اس سے قبل سعودی حکام نے اعلان کیا تھا کہ عمرہ زائرین کو صرف 4 جون تک ہی قبول کیا جائے گا اور اس کے بعد انہیں مکہ مکرمہ میں داخلے کی اجازت نہیں ہوگی۔