ترکی اسرائیل کے ساتھ کیا کرنے والا ہے؟ترک صدر کی زبانی

?️ 31 مارچ 2024

سچ خبریں: ترکی کے صدر نے کہا کہ یہ ملک تل ابیب پر دباؤ ڈال کر اسرائیل کو غزہ میں جنگ بندی کے حوالے سے سلامتی کونسل کی نئی قرارداد کی تعمیل پر مجبور کرنے کی بھرپور کوشش کر رہا ہے۔

ترک صدر رجب طیب اردوگان نے کہا ہے کہ انقرہ اسرائیل پر دباؤ ڈالنے کے لیے اپنی کوششیں تیز کرے گا تاکہ اسے غزہ کی پٹی میں جنگ بندی کے لیے اقوام متحدہ کی سلامتی کونسل کی حالیہ قرارداد پر عمل کرنے پر مجبور کیا جائے۔

یہ بھی پڑھیں: ترکی اسرائیل تعلقات کسی سے ڈھکے چھپے نہیں:صیہونی وزیر خارجہ

اردوگان نے کہا کہ غزہ میں فوری جنگ بندی سے متعلق سلامتی کونسل کی قرارداد کے بعد، ہم اسرائیل پر دباؤ بڑھانے کی بھرپور کوشش کر رہے ہیں۔

انہوں نے تاکید کی کہ جب تک فلسطینی اپنی مقبوضہ سرزمین اور آزادی کو واپس نہیں لیتے اور اپنے آزاد ملک کو بیت المقدس کا دارالخلافہ بنا کر بحال نہیں کرتے، ہم کوششیں ترک نہیں کریں گے۔

اردوگان نے مزید کہا کہ ہم جو کچھ کر سکتے ہیں کریں گے اور اپنے تمام وسائل کے ساتھ، ہم کسی بھی چیز سے دستبردار نہیں ہوں گے اور فلسطینیوں کی مدد کرتے رہیں گے۔

مزید پڑھیں: کیا اب بھی ترکی اسرائیل کے ساتھ تجارت جاری رکھے گا؟

انہوں نے تاکید کی کہ وہ لوگ جو اپنی سرزمین کا دفاع کرنے والے بہادر فلسطینیوں کو دہشت گرد کہتے ہیں اور اسرائیل کے حامیوں کے لیے ناچتے ہیں،وہ ہم سے ایک لفظ بھی کہنے کا حق نہیں رکھتے۔