جنگ بندی معاہدے پر حماس کا ردعمل کیسا تھا؟ نیویارک ٹائمز کی زبانی

?️ 7 مئی 2024

سچ خبریں: ایک امریکی اخبار نے جنگ بندی معاہدے کے حوالے سے حماس کے سنجیدہ ردعمل کی طرف اشارہ کرتے ہوئے تاکید کی ہے کہ اب گیند صیہونی حکومت کی فلیڈ میں ہے۔

المیادین نیوز چینل کی رپورٹ کے مطابق امریکی اخبار نیویارک ٹائمز نے بعض حکام کے حوالے سے نقل کیا ہے کہ جنگ بندی کے حوالے سے تل ابیب اور واشنگٹن کی طرف سے پیش کی گئی تجویز میں حماس کی جانب سے کچھ تبدیلیاں کی گئی ہیں۔

مزید پڑھیں: غزہ جنگ بندی معاہدے کی اہم تفصیلات

اس اخبار نے مزید کہا کہ حماس کا ردعمل سنجیدہ ہے اور اب گیند اسرائیل کی فلیڈ میں ہے، تل ابیب کو یہ فیصلہ کرنا ہوگا کہ آیا یہ معاہدہ کرنا ہے یا نہیں۔

نیویارک ٹائمز نے یہ بھی اطلاع دی ہے کہ سی آئی اے کے ڈائریکٹر ولیم برنز کی قاہرہ میں آج ہونے والی بات چیت میں شرکت متوقع ہے۔

گزشتہ شب فلسطینی اسلامی مزاحمتی تحریک حماس نے اعلان کیا کہ اس نے مصری اور قطری ثالثوں کی طرف سے پیش کی گئی جنگ بندی کی تجویز سے اتفاق کیا ہے۔

مزید پڑھیں: حماس نے جنگ بندی پر کسی بھی معاہدے کی تردید کی

حماس تحریک نے اعلان کیا ہے کہ اس تحریک کے سیاسی دفتر کے سربراہ اسماعیل ہنیہ نے غزہ کی پٹی میں جنگ بندی کی تجویز پر حماس کے ردعمل کے بارے میں قطر کے وزیر اعظم محمد بن عبدالرحمن آل ثانی اور اس ملک کے وزیر اعظم عباس کامل نیز مصر کے انٹلی جنس وزیر کو بتایا دیا ہے۔