امریکی سرکاری ملازمین کی فلسطین کے حامی طلباء تحریک کی حمایت کا اعلان

?️ 5 مئی 2024

سچ خبریں: امریکہ کے متعدد سرکاری ملازمین نے فلسطین اور غزہ کی حمایت میں ہونے والے طلباء کے مظاہروں کی حمایت کا اعلان کرتے ہوئے ان مظاہروں کے بارے میں بائیڈن کے منفی نقطہ نظر کی مخالفت کا اظہار کیا۔

الجزیرہ نیوز چینل کی رپورٹ کے مطابق امریکی صدر جوبائیڈن حکومت کے متعدد عہدیداروں نے غزہ کی حمایت میں طلباء کی تحریک کو دبانے کی مذمت کی ہے۔

یہ بھی پڑھیں: امریکہ میں طلباء کی بڑے پیمانے پر گرفتاریوں پر روس کا ردعمل

اس رپورٹ کے مطابق امریکی حکومت کے متعدد ملازمین نے غزہ کی پٹی میں جنگ بندی کا مطالبہ کیا اور اعلان کیا کہ ہم مظاہرین کے شانہ بشانہ کھڑے ہیں اور بائڈن کے ان کے حقوق سے انکار کے موقف پر اپنے اعتراض کا اظہار کرتے ہیں۔

انہوں نے مزید کہا کہ ہم طلباء کے مظاہروں پر جابرانہ اور فوجی حملوں کی مذمت کرتے ہیں۔

بائیڈن کی انتظامیہ کے عملے نے بھی ان پر زور دیا کہ وہ طلباء مظاہرین کے آئینی حقوق کو برقرار رکھیں۔

مزید پڑھیں: صیہونی حکومت کی حقیقت؛ نیویارک میں یہودی خاتون کی زبانی

یہ خبر ایک ایسے وقت میں سامنے آئی ہے جب امریکی اور یورپی یونیورسٹیوں میں فلسطین اور غزہ کے حامی طلباء کے مظاہرے جاری ہیں اور انہیں پولیس اور سیکیورٹی فورسز کے جبر اور تشدد کا سامنا ہے۔