تیسری عالمی جنگ کے خطرے کی گھنٹی

?️ 14 مئی 2023

سچ خبریں:روسی سلامتی کونسل کے نائب سربراہ نے مغربی سازشوں سے خبردار کرتے ہوئے کہا کہ دنیا تیسری جنگ عظیم کے خطرے کے قریب پہنچ رہی ہے۔

روسی نیوز ویب سائٹ آر ٹی کی رپورٹ کے مطابق اس ملک کی قومی سلامتی کونسل کے سربراہ نے خبردار کیا کہ مغربی سازشوں کی وجہ سے دنیا تیسری جنگ عظیم کے خطرے کے قریب پہنچ رہی ہے۔

رپورٹ کے مطابق روس کی قومی سلامتی کونسل کے سربراہ دمتری میدویدیف نے سینٹ پیٹرزبرگ میں بین الاقوامی کانفرنس میں اپنی تقریر کے دوران اعلان کیا کہ جو بات واضح ہے وہ یہ ہے کہ مغرب نے روس کے خلاف جامع اور مشترکہ جنگ شروع کرنے کے تمام تر انتظامات کر لیے ہیں۔

اپنی تقریر کے ایک اور حصے میں میدویدیف نے کہا کہ امریکہ اور یورپی ممالک یوکرین جنگ کے سربراہ ہیں اسی لیے یہ کیف حکومت کو مہلک ہتھیاروں کی ایک بڑی مقدار پمپ کر رہے ہیں اور دہشت گردوں کو بھیج کر روس کی سرحدوں کو کشیدہ کر رہے ہیں۔

اس روسی عہدیدار نے اس بات کی طرف اشارہ کرتے ہوئے کہ تیسری عالمی جنگ کی صورت میں کوئی فریق فتح یاب نہیں ہو گا، کہا کہ روس کے دشمن دنیا کو ایک عالمی تباہی کی طرف لے جانے کی کوششیں کر رہے ہیں جو تیسری عالمی جنگ کی چنگاری ہے، روسی قومی سلامتی کونسل کے سربراہ نے اس بات پر زور دیا کہ روس کا مشن مساوات کے اصولوں کے ساتھ ایک نیا عالمی نظام قائم کرنا ہے۔