امریکی وزیر دفاع کا اس ملک کی فوج کے بارے میں اہم اعتراف

?️ 6 اگست 2023

سچ خبریں: امریکی وزیر دفاع نے اس ملک کی فوج کی تیاری اور طاقت کے بارے میں خبردار کرتے ہوئے کہا کہ بعض فوجی کمانڈروں کے استعفیٰ سے امریکی تاریخ میں پہلی بار دو لڑاکا افواج بغیر کمانڈروں کے رہ گئی ہیں۔

انڈیپنڈنٹ اخبار کی رپورٹ کے مطابق، امریکہ کے وزیر دفاع لائیڈ آسٹن نے اس فوج کی جنگی صلاحیت کی تیاری کے بارے میں خبردار کیا اور کہا کہ ہمارے ملک کی تاریخ میں پہلی بار فوج کے بعض کمانڈروں کے استعفے کے ساتھ اس ملک میں فوج کے دو لڑاکا دستے بغیر کسی کمانڈر کے رہ گئے ہیں۔

یہ بھی پڑھییں: صرف 9% نوجوان امریکی فوج میں خدمات انجام دینا چاہتے ہیں: امریکی فوج

آسٹن نے کہا کہ سینیٹ کی جانب سے نئے فوجی کمانڈروں کی تصدیق کرنے میں ناکامی سے فوج کی کاروائیوں میں خلل پڑے گا اور اس سے دنیا بھر کے اتحادیوں اور شراکت داروں کے ساتھ امریکہ کے تعلقات متاثر ہو سکتے ہیں۔

لائیڈ آسٹن نے کہا کہ آج محکمہ دفاع کی تاریخ میں پہلی بار ہماری چار میں سے دو جنگی افواج سینیٹ کی منظوری کے بغیر کام کریں گی، انہوں نے مزید کہا کہ کہاچھی ٹیموں کو اچھے لیڈروں کی ضرورت ہوتی ہے اور یہ ہماری جنگی افواج کی مکمل تیاری کو برقرار رکھنے کے لیے اہم ہے۔

انہوں نے کہا کہ جنرل جیمز میک کون ویل ریٹائر ہونے والے ہیں اور موجودہ ڈپٹی کمانڈنگ جنرل رینڈی جارج کو عبوری کمانڈر کے طور پر نامزد کیا گیا ہے نیز میرین کور کے جنرل ایرک اسمتھ کو بھی کمانڈ کے لیے نامزد کیا گیا ہے، لیکن وہ عبوری بنیادوں پر ہیں اور اس عہدے پر فائز ہیں کیونکہ سینیٹ سے ان کی تصدیق نہیں ہوئی ہے۔

مزید پڑھیں: امریکی فوج میں ذہنی عارضے میں مبتلا افراد کی بھرتی

یاد رہے کہ اس سے قبل وال اسٹریٹ جرنل نے ہیریٹیج فاؤنڈیشن کا حوالہ دیتے ہوئے امریکی فوج کو کمزور قرار دیا اور لکھا تھا کہ فوج خطرات کے خلاف امریکی قومی مفادات کا دفاع نہیں کر سکے گی،ہیریٹیج فاؤنڈیشن کی ایک رپورٹ کے مطابق امریکی فوج کی ہارڈویئر پاور اتنی مضبوط نہیں ہے جتنی پہلے تھی۔