ایران کے جدید میزائل نظام سے اسرائیل میں بڑھتی ہوئی تشویش

?️ 21 دسمبر 2025

ایران کے جدید میزائل نظام سے اسرائیل میں بڑھتی ہوئی تشویش

تل ابیب کے ذرائع ابلاغ نے رپورٹ کیا ہے کہ اسرائیلی حکومت ایران کے میزائل نظام کی جدید کاری پر گہری تشویش میں مبتلا ہے۔ اسرائیلی فوج کے ریڈیو نے سکیورٹی ذرائع کے حوالے سے بتایا کہ اگرچہ ایران کی جانب سے میزائل نظام کو جدید بنانے کا عمل اسرائیل کے لیے مکمل طور پر غیر متوقع نہیں تھا، تاہم اس کے ممکنہ اثرات باعثِ تشویش ہیں۔

ان سکیورٹی ذرائع کے مطابق ایران کی جانب سے اپنے میزائل دفاعی اور جارحانہ نظام کو بہتر بنانے کی محرکات میں اضافہ ہوا ہے اور مستقبل میں کسی بھی ممکنہ ٹکراؤ یا محاذ آرائی کی صورت میں حالات زیادہ پیچیدہ ہو سکتے ہیں۔

دوسری جانب ایران کے چیف آف جنرل اسٹاف میجر جنرل سید عبدالرحیم موسوی نے حال ہی میں ملک کے فضائی دفاعی نظام کی مسلسل اور مرحلہ وار بہتری کی ضرورت پر زور دیا ہے۔ انہوں نے کہا کہ ایران کے فضائی دفاع کو مضبوط بنانا قومی ترجیحات میں شامل ہے اور اس حوالے سے مسلسل اقدامات ناگزیر ہیں۔

میجر جنرل موسوی نے فضائی دفاعی فورسز کی کارکردگی کو سراہتے ہوئے کہا کہ حالیہ مہینوں میں ایرانی ماہرین اور اہلکاروں نے اپنی پیشہ ورانہ مہارت، قربانی اور عزم کے ساتھ فضائی دفاعی صلاحیتوں میں نمایاں پیش رفت کی ہے جو قابلِ تحسین ہے۔