ایران کا اسلامی انقلاب 42سالہ ہوگیا؛ٹرمپ تاریخ کے کوڑے دان میں چلا گیا:امام جمعہ بغداد

?️ 13 فروری 2021

سچ خبریں:بغداد امام جمعہ نے نماز جمعہ کے خطبے میں اس بات پر زور دیاکہ ایران کا اسلامی انقلاب نے بیرونی ممالک کے رہنماؤں کی متعدد دھمکیوں کے باوجود 42 سال کا ہو گیا جبکہ ڈونلڈ ٹرمپ جیسے دشمن تاریخ کے کوڑے دان میں چلے گئے۔
بغداد الیوم کی رپورٹ کے مطابق بغداد کے امام جمعہ آیت اللہ سید یاسین الموسوی نے ایران کے اسلامی انقلاب کا ذکر کرتے ہوئے کہاکہ ایران کا اسلامی انقلاب متعدد خطرات کے باوجود 42 سال کا ہوگیا، رپورٹ کے مطابق ، بغداد کےامام جمعہ کے رہنما نے کہا کہ ایران کا اسلامی انقلاب 42 سال کا ہوگیا جبکہ گذشتہ 4 سالوں کے دوران سابق امریکی صدر ڈونلڈ ٹرمپ نے اس کے خلاف متعدد دھمکی آمیز بیانات دیئے، آیت اللہ سید یاسین الموسوی نے یہ بھی کہاکہ ان سب کے باوجود ایران کا اسلامی انقلاب جاری رہا اور یہ ٹرمپ ہی تھے جو تاریخ کے کوڑے دان میں چلے گئے،امام خمینی نےواضح طور پر ایران اور امریکہ کے درمیان تعلقات منقطع ہونے کے دن کو عید کے طور پر قرار دیا دیا اور کہا کہ امریکہ کوئی غلطی نہیں کرسکتا۔

بغداد کے امام جمعہ نے اپنے خطبے میں مزید کہا کہ پچھلی 4 دہائیوں کے تجربے نے یہ بات اچھی طرح سے ثابت کردی ہے کہ جو کوئی بھی ایران کےاسلامی انقلاب پر حملہ کرے گا وہ تاریخ کے کوڑے دان میں چلا جائے اور غائب ہو جائے گا۔

یادرہے کہ سابق امریکی صدر ڈونلڈ ٹرمپ نے ایران اور مغربی ممالک کے درمیان ہونے والے ایٹمی معاہدے سے من مانے طریقہ سے علیحدگی اختیار کرتے ہوئے ہوئے کہا تھا کہ میں ایران کو گھٹنے ٹیکنے پر مجبور کر دوں گا،اس ملک کی عوام کو انقلاب کے خلاف کر دوں گا اس حد تک کہ وہ خود ہی ایرانی نظام کو بدلنے کے لیے اٹھ کھڑے ہوں گے تاہم ایسا کچھ بھی نہیں ہوا اور اسلامی انقلاب مکمل مظبوطی کے ساتھ اپنی منزل کی طرف رواں دواں ہے اور اس نے ٹرمپ جیسے کتنوں کو آتے جاتے دیکھا ہے۔