امریکی فوجی قافلوں کے ساتھ عراق میں دہشت گردوں کی دراندازی :عراقی سکیورٹی ماہر کا انتباہ

?️ 17 فروری 2021

سچ خبریں:عراقی سکیورٹی کے ایک ماہر نے امریکی فوجی قافلوں کے ذریعے عراق میں دہشت گردوں کی دراندازی کا انتباہ دیاہے۔

المعلومہ نیوز ایجنسی کی رپورٹ کے مطابق عراقی سکیورٹی کے ماہر امیر عبد المنعم الساعدی نے امریکی فوجی قافلوں کے ذریعہ عراق میں دہشت گردوں کی دراندازی کے بارے میں انتباہ دیتے ہوئے کہا کہ امریکی فوجی جو عراقی کردستان میں اپنے اڈوں سے شام جاتے ہیں اور واپس آتے ہیں اس کے علاوہ مغربی صحراؤں ا اور عین الاسد جوجی اڈے پر رفت آمد کرتے ہیں ان کا مقصد شام میں فوجی آپریشن نہیں کرنا ہے بلکہ امریکہ کی خفیہ ایجنسیوں اور موساد کی رپورٹ کے مطابق دہشت گردوں کو شام اور عراق میں ایک علاقے سے دوسرے علاقے میں منتقل کرنا ہے۔

انہوں نے مزید کہا کہ باوثوق ذرائع سے پتہ چلا ہے کہ ماضی میں بھی امریکی ہیلی کاپٹروں نے دہشت گردوں کو وادی حوران پہنچایا تھا، عراقی فوجی ماہر نے اس بات پر زور دیا کہ امریکی فریق پر اعتماد نہیں ہے اس لیے حکومت کے لئے بہتر ہے کہ وہ منتقلی کے دوران گاڑیوں کے مندرجات اور ان کے اندر موجود افراد کی شناخت کا اظہار کرنے کے لئے عراق میں موجود غیر ملکی افواج کو پابند بنائے، انہوں نے مزید کہا کہ سکیورٹی معاہدوں کے بہانے اور عراق کی درخواست پر غیر ملکی افواج عراق میں موجود ہیں لہذا عراق کو گاڑیوں ، ہیلی کاپٹروں اور ان کی کاروائیوں اور نقل و حرکت کی نوعیت سے آگاہی حاصل کرنے کرنے کا حق ہے۔

واضح رہے کہ امریکہ داعش کا مقابلہ کرنے کے بہانے عراق اور شام میں داخل ہوا تھا جبکہ اصل میں ان ممالک میں دہشتگردوں کی مدد کرنے کے لیے آیا تھا جس کے دونوں ممالک کے پاس متعدد ثبوت موجود ہیں نیز اب جبکہ عراقی حکومت سے ا س ملک سے داعش کے خاتمہ کا اعلان کر چکی ہے لیکن امریکہ یہاں سے جانے کا نام ہی نہیں لے رہا ہے۔