امریکہ کا عرب ممالک کی فوج اور اسرائیل کے درمیان ہم آہنگی کے لیے ایک اڈہ قائم کرنے کا اعلان:المانیٹر

🗓️ 23 اکتوبر 2022

سچ خبریں:تیل کی قیمتوں پر امریکہ اور سعودی عرب کے درمیان اختلافات اور بعض امریکی حکام کی جانب سے ریاض کو کڑی تنقید کا نشانہ بنائے جانے کے باجود امریکی فوج اور خلیج فارس کے عرب ممالک بالخصوص ریاض کے درمیان ہم آہنگی برقرار ہے۔

امریکی اخبار المانیٹر نے اس ملک کے عسکری ذرائع کا حوالہ دیتے ہوئے اپنی ایک رپورٹ میں لکھا ہے کہ تیل کی قیمتوں پر سعودی عرب اور امریکہ کے درمیان اختلافات کے باوجود دونوں مملک کی حکومتوں کے درمیان باقاعدہ ہم آہنگی جاری ہے،یو ایس سنٹرل کمانڈ سینٹکام کے فوجی حکام کے مطابق، سینٹرل کمانڈ کی اولین ترجیحات میں سے ایک خلیج فارس کے ممالک کو اس بات پر راضی کرنا ہے کہ وہ اپنے فضائی دفاعی چینلز کو اسرائیلی حکومت کے ساتھ جوڑ دیں تاکہ وہ ایرانی خطرہ کا مقابلہ کر سکیں۔

ان کے مطابق امریکی سینٹرل کمانڈ کے کمانڈر جنرل مائیکل ایرک کوریلا اور سینٹکام کے دیگر عہدہ داروں نے صیہونی حکومت کے تعاون سے ڈرون شکن ٹیکنالوجی کی جانچ کے لیے سعودی عرب میں ایک تربیتی مرکز قائم کرنے کی تجویز پیش کی ہے۔

یاد رہے کہ اس طرح کے اڈے کی تعمیر کا خیال سب سے پہلے سینٹ کام کے کمانڈر مائیکل ایرک کوریلا نے اگست میں ایک اجلاس میں پیش کیا تھا جس میں امریکہ کے علاقائی اتحادیوں نے شرکت کی تھی۔