امریکہ کا روس کو انسانی حقوق کمیشن سے باہر کرنے کا مطالبہ

?️ 4 مارچ 2022

سچ خبریں:امریکی وزیر خارجہ کا کہنا ہے کہ روس نے یوکرائن کے خلاف فوجی کاروائی کرکے انسانی حقوق کی وسیع پیمانے پر خلاف ورزی کی ہے لہذا سے اقوام متحدہ کی انسانی حقوق کی خارج کرنا ضروری ہے۔
اقوام متحدہ انسانی حقوق کونسل کی 49 ویں نشست سے خطاب میں امریکی وزیر خارجہ بلنکن نے روس پر تنقید کرتے ہوئے کہا کہ روس نے یوکرائن کے خلاف بے سبب اور ناحق جنگ شروع کر کے بین الاقوامی قانون کی اور بین الاقوامی امن و سلامتی کے بنیادی اصولوں کی خلاف ورزی کی ہے، یہی نہیں بلکہ روس ایک انسانی بحران کا بھی سبب بنا ہے۔

انہوں نے کہا ہے کہ روسی حملے اسکولوں، ہسپتالوں اور رہائشی مکانات کو ہدف بنا رہے ہیں جبکہ پورے یوکرین میں پینے کے پانی، گیس اور بجلی کے انفراسٹرکچر کو تباہ کیا جا رہا ہے، شہری گاڑیوں، بسوں یہاں تک کہ ایمبولینسوں تک پر بمباری کی گئی ہے،انھوں نے کہا کہ روس پورے یوکرائن میں ہر روز یہ سب کچھ کر رہا ہے۔

بلنکن نے کہا کہ حملوں میں بیسیوں شہری ہلاک اور سینکڑوں زخمی ہو گئے ہیں جبکہ نصف ملین سے زائد افراد اپنے ملک کو ترک کرنے پر مجبور ہو گئے ہیں، جبکہ اگر روسی صدر پیوٹن یوکرائن کی منتخب حکومت کا تختہ اُلٹنے میں کامیاب ہوتے ہیں تو اس ملک میں انسانی حقوق اور انسانی بحران کی حالت اور بھی خراب ہو جائے گی۔

انھوں نے کہا کہ روس کے کریمہ پر قبضے کے دوران عدالت سے بالا پھانسیوں، تشدد، بے سبب حراستوں، نسلی و دینی اقلیتوں پر ظلم اور مخالفین پر ظالمانہ دباو پر نگاہ ڈالیں، امریکی وزیر خارجہ انتھونی بلنکن نے کہا ہے کہ اقوام متحدہ انسانی حقوق کونسل انسانی حقوق کی پامالیوں کے سدّ باب کے لئے قائم کی گئی ہے، اگر اس کا کوئی رکن ملک کسی دوسرے رکن ملک پر قبضہ کرنے کی کوشش کرتا ہے تو ایسی صورت میں یہ سوال پوچھنا نہایت معقول ہے کہ آیا اس ملک کو کونسل میں رکھا جائے گا یا نہیں۔