افغانستان میں زلزلہ؛26 افراد جاں بحق

?️ 19 جنوری 2022

سچ خبریں:افغانستان کے صوبہ بادغیس میں5.3رکٹر کا زلزلہ آیا جس کے نتیجہ میں 26 افراد جاں بحق ہوگئے۔
افغان ذرائع ابلاغ کی رپورٹ کے مطابق اس ملک کے مغرب میں واقع صوبہ بادغیس میں پیر کے روز مغربی افغانستان میں زلزلہ آیا جسکی شدت رکٹر اسکیل پر 5.3 تھی، رپورٹ کے مطابق پیر کے روز ترکمنستان سے ملے افغانستان کے سرحدی صوبے بادغیس کے قادس ضلع میں گھروں کی چھت ڈھنے سے بچوں اور عورتوں سمیت 26 افراد مارے گئے۔

اس زلزلے سے صوبے بادغیس کے ’مقر‘ ضلع میں بھی خاصا نقصان ہوا ،تاہم ممکنہ جانی نقصان کے بارے میں وہاں سے ابھی تفصیلات سامنے نہیں آئی ہیں۔

یادرہے کہ طالبان کے اقتدار آنے کے بعد سے افغانستان کی اقتصادی صورتحال مزید بگڑ گئی ہے اور عوام کو شدید معیشتی مشکلات کا سامنا ہے، اسکے علاوہ مغربی ممالک منجملہ امریکہ نے افغانستان کے اثاثوں کو منجمد کر دیا ہے جس سے حالات اور زیادہ خراب ہو گئے ہیں جبکہ اقوام متحدہ سمیت متعدد عالمی اداروں نے کئی بار انتباہ دیا ہے کہ افغانستان میں کسی بھی وقت انسانی بحران آسکتا ہے جو اس ملک کو تباہی کے دھانے پر پہنچا دے گا،در ایں اثنا طالبان کا کہنا ہے کہ امریکہ اس ملک کے اثاثے منجمد کرکے افعان عوام کو اجتماعی سزا دینا چاہتا ہے جبکہ امریکہ اور دیگر مغربی ممالک کا کہنا ہے کہ ہمارے اصولوں پر چلو گے تو ہم آپ کے ساتھ ہیں۔