اسرائیل کے ہاتھوں دھماکہ خیز ہتھیاروں کا استعمال تشویشناک ہے:اقوام متحدہ کے عہدیدار

?️ 25 فروری 2023

سچ خبریں:اقوام متحدہ کے ہائی کمشنر برائے انسانی حقوق وولکر ترک نے کہا کہ بدھ کی رات نابلس پر حملے میں اسرائیلی فورسز کی طرف سے دھماکہ خیز ہتھیاروں اور جنگی گولہ بارود کا استعمال تشویشناک ہے۔

فلسطینی خبر رساں ایجنسی وفا کی رپورٹ کے مطابق اقوام متحدہ کے انسانی حقوق کے ہائی کمشنر آسٹریا کے سفارت کار نے کہا کہ صیہونیوں کے ہاتھوں ایک گنجان آبادی والے علاقے میں دن کی روشنی میں اور عین اس وقت جب عوامی سرگرمیاں اپنے عروج پر ہوتی ہیں، دھماکہ خیز اور دیگر ہتھیاروں کے استعمال سے ظاہر ہوتا ہے کہ اسرائیل عام شہریوں کو قتل کر رہا ہے اور ان کی حفاظت اس کے لیے کوئی اہمیت نہیں رکھتی۔

ترک نے اقوام متحدہ کے انسانی حقوق کے قانون کے ساتھ صیہونی حکومت کی مکمل وابستگی کا مطالبہ کرتے ہوئے کہا کہ اس قانون کی شقوں میں بین الاقوامی قوانین اور معیارات کی بنیاد پر قتل اور زخمی افراد کی تحقیقات کی ضمانت ہے،آخر میں انہوں نے مزید کہا کہ انسانی حقوق کی خلاف ورزیوں کا سبب بننے والی غیر معقول کشیدگی کو روکنا چاہیے۔

قابل ذکر ہے کہ بدھ کی صبح صیہونی حکومت نے بعض فلسطینیوں کو گرفتار کرنے کے بہانے مغربی کنارے کے شہر نابلس پر دھاوا بولا اور فلسطینیوں کے ساتھ جھڑپیں کیں جس کے نتیجے میں 10 فلسطینی شہید اور 102 زخمی ہوگئے، نابلس پر صیہونی حملے میں 10 فلسطینیوں کی شہادت کے بعد مختلف فلسطینی گروپوں نے الگ الگ بیانات میں اعلان کیا کہ جارحیت کا تسلسل اور مغربی کنارے میں کشیدگی میں اضافہ قابض حکومت کو جلا کر رکھ دے گا۔

یاد رہے کہ ایران، قطر، عمان، کویت، سعودی عرب، اردن اور متحدہ عرب امارات نے بھی نابلس پر صیہونی حملے کی مذمت کی ہے۔