اسرائیلی جہاز پر یمنی حملے کے بعد لوئڈز لسٹ کا رد عمل 

عالمی سمندری اُمور پر نظر رکھنے والے جریدے لوئڈز لسٹ نے انکشاف کیا ہے کہ یمنی افواج کی جانب سے حالیہ میزائل حملہ اسرائیلی جہاز پر کیا گیا سب سے دُور تک مار کرنے والا بحری آپریشن ہے، جو سعودی عرب کے ساحل کے قریب پیش آیا۔

تفصیلات کے مطابق یمنی مسلح افواج نے ایک بیان میں کہا کہ گزشتہ رات اسرائیلی آئل ٹینکر اسکارلٹ رے کو شمالی بحیرۂ احمر میں بیلسٹک میزائل سے نشانہ بنایا گیا اور یہ میزائل براہِ راست جہاز سے ٹکرایا۔

یمنی افواج نے مزید کہا کہ اسرائیل کے جہازوں یا ان بحری جہازوں کو، جو مقبوضہ فلسطین کے بندرگاہوں کی طرف جا رہے ہوں، روکنے کی کارروائیاں جاری رہیں گی۔ ان کے بقول یہ اقدامات فلسطینی عوام کی حمایت اور ان کے ساتھ یکجہتی کے طور پر کیے جا رہے ہیں۔