اردنی بادشاہ کے بھائی شاہزادہ ہونے سے دستبرار

🗓️ 5 اپریل 2022

سچ خبریں:اردن کے بادشاہ کے سوتیلے بھائی حمزہ بن الحسین کا کہنا ہے کہ وہ اس ملک کے حالات سے غیر مطمئن ہیں جس کی وجہ سے اب شہزادہ نہیں رہنا چاہتے۔
اردن کے بادشاہ کے سوتیلے بھائی اور اس ملک کے سابق ولی عہد شہزادہ حمزہ بن الحسین نے اپنے ٹویٹر اکاؤنٹ پر لکھا کہ انہوں نے شہزادے کی حیثیت سے استعفیٰ دے دیا ہے اور اب وہ خود کو شہزادہ نہیں سمجھتے، یادرہے کہ یہ واقعہ گزشتہ سال کی ناکام بغاوت جس کی قیادت حمزہ بن الحسین نے کی تھی، کی برسی کے موقع پر ہوا ہے۔

واضح رہے کہ اردن کے سابق ولی عہد جو کچھ عرصے سے گھر میں نظر بند تھے، نے اپنے ٹویٹر پیج پر ایک مختصر خط میں لکھا جس میں اردن کی صورتحال پر واضح احتجاج کیا گیا تھا کہ ان کا ضمیر انہیں مزید اس خطاب کی اجازت نہیں دے رہا، شہزادہ اس نے آخر میں لکھا کہ اس نے اپنا معاملہ خدا پر چھوڑ دیا ہے۔

انہوں نے لکھا کہ میں نے جو کچھ سالوں میں دیکھا ہے اور اس کے بعد میں اس نتیجے پر پہنچا ہوں کہ میرے والد نے جو ذاتی عقائد اور طے شدہ اصول مجھے سکھائے ہیں اور جن پر میں نے زندگی بھر عمل کرنے کی کوشش کی ہے، جدید طریقہ کار کے ساتھ، ہمارے اداروں کی واقفیت اور طریقے سے میل نہیں کھاتے۔