سعودی عرب اپنے مخالفین کو کیسے خاموش کراتا ہے؟

?️ 9 دسمبر 2022

سچ خبریں:انسانی حقوق کی ایک تنظیم نے اعلان کیا کہ سعودی حکومت اپنے مخالفین کو اپنی رائے کے اظہار پر دباتی ہے اور انہیں قید میں ڈالتی ہے۔

انسانی حقوق کی تنظیم "فریڈم انیشیٹو” نے اعلان کیا کہ سعودی حکومت آزادی اظہار رائے پر پابندی کی اپنی پالیسی کے تحت اپنے مخالفین پر وحشیانہ جبر کرتی ہے اور انہیں بھاری سزائیں دیتی ہے،انسانی حقوق کی اس تنظیم نے اپنے ٹویٹر پر لکھا کہ سعودی عرب میں انسانی حقوق کے تین نامور محافظوں کو آل سعود کے ہاتھوں ظلم و تشدد کا نشانہ بنایا گیا،ان تین افراد میں سے ایک عبداللہ الحامد تھے جو 24 اپریل 2020 کو جیل میں برسوں کے تشدد، بدسلوکی اور طبی غفلت کے بعد انتقال کر گئے، دوسرے شیخ سلمان العودہ ہیں جو ایک سعودی مبلغ ہیں اور 2017 سے آل سعود کی جیلوں میں ہیں،تیسرے محمد القحطانی ہیں جو اپنی سزا ختم ہونے کے باوجود جبری طور پر غائب ہو ئے ہیں اور ان کے بارے میں کوئی معلومات نہیں ہیں۔

یاد رہے کہ ڈاکٹر محمد فہد القحطانی سعودی وزارت خارجہ کے سفارتی امور کے انسٹی ٹیوٹ میں شعبہ اقتصادیات کے سابق پروفیسر اور سعودی عرب میں شہری اور سیاسی حقوق کی ایسوسی ایشن کے بانی رکن کو سعودی حکام نے تقریباً 10 سال سے حراست میں لے رکھا ہے۔

اسی سلسلے میں انسانی حقوق کی تنظیموں نے آل سعود کے حکام سے کہا کہ وہ سلمی الشہاب اور ہنورہ القحطانیہ کو غیر مشروط طور پر رہا کریں، کیونکہ ان کا ٹوئٹر پر متحرک رہنے اور اپنی رائے کا اظہار کرنے کے علاوہ کوئی جرم نہیں، بی بی سی ریڈیو نے اعلان کیا کہ نورہ القحطانی کے حوالے سے ریاض کی فوجداری عدالت کی دستاویزات میں تشدد یا مجرمانہ سرگرمی کا کوئی نشان نہیں ہے، تاہم اس کے باوجود سعودی عدالت نے انہیں صرف ایک ٹویٹ میں اپنی رائے کا اظہار کرنے پر 45 سال کی سزا سنائی ہے۔

بی بی سی نے تاکید کی کہ نورہ القحطانی کے خلاف بہت معمولی الزامات ہیں جبکہ آل سعود حکومت پر تنقید کرنے والے کو سزا دینے کے لیے دہشت گردی کے خلاف جنگ اور "سائبر کرائم قوانین کا استعمال کرے ہیں، انسانی حقوق کی تنظیم ابتکار آزادی نے اعلان کیا ہے کہ سعودی حکام نے فلسطینی کاز اور خواتین کے حقوق کی حمایت کرنے پر سلمی الشہاب کو اپنی تاریخ کی طویل ترین قید کی سزا سنائی ہے۔

واشنگٹن میں قائم اس ادارے نے ایک بیان میں اعلان کیا ہے کہ سعودی عدالت نے ریاض کے دورے کے دوران گرفتار ہونے والی سلمی الشہاب کو 34 سال قید کی سزا سنائی ہے جبکہ وہ لندن میں رہتی ہیں اور دو بچوں کی ماں ہیں اور یونیورسٹی آف لیڈز میں ڈاکٹریٹ کی تعلیم حاصل کر رہی ہیں۔ فریڈم انیشیٹو کی رپورٹ کے مطابق سلمی الشہاب مسلسل فلسطینی کاز، خواتین کے حقوق اور سعودی عرب میں قیدیوں کے لیے آزادی اظہار کے بارے میں ٹویٹ کر رہی تھیں۔

انسانی حقوق کی تنظیم فریڈم انیشیٹو نے سلمی الشہاب اور نورہ القحطانی کے خلاف سنائی گئی سزا کو سعودی عرب میں خواتین کے حقوق کے محافظوں کی فہرست میں سب سے طویل اور بھاری سزا قرار دیا، قابل ذکر ہے کہ کی ابتدائی سزا 6 سال قید تھی جسے اپیل کورٹ نے بڑھا کر 34 سال کر دیا ، خواتین کے حقوق کے کارکنوں کی رہائی کے باوجود جنہیں برسوں پہلے گرفتار کیا گیا تھا، سعودی عرب ٹوئٹر پر اپنی رائے کا اظہار کرنے کے جرم میں مزید خواتین کارکنوں کو گرفتار کر رہا ہے۔

واضح رہے کہ سعودی عرب میں اظہار رائے کی آزادی کو دبانا اور انسانی حقوق کی خلاف ورزی کوئی نیا مسئلہ نہیں ہے اور آل سعود کے ریکارڈ میں اس کی تاریخی جڑیں موجود ہیں لیکن مبصرین کا خیال ہے کہ حالیہ عرصے میں خاص طور پر سلمان بن عبدالعزیز کی بادشاہت اور ان کے بیٹے محمد کے ولی عہد کے اقدامات کے سائے میں اس میں کافی تیزی آئی ہے،بن سلمان کی جانب سے اپنے باپ کے تخت پر قبضہ کرنے کی مخالفت کو ختم کرنے کے لیے، اس کا تعاقب زیادہ شدت سے کیا جارہاہے،مبصرین کی رپورٹ کے مطابق سعودی عرب ولی عہد شہزادہ محمد بن سلمان سے پہلےبھی ایک جابر ملک تھا لیکن ان کے اقتدار میں آنے کے بعد یہاں جبر میں غیر معمولی شدت آئی ہے اس لیے جو بھی حکومت پر تنقید کرتا ہے یا اپنے حقوق کا دفاع کرتا ہے اسے گرفتار کر کے سخت اذیتیں اور طویل قید کی سزائیں دی جاتی ہیں۔

یاد رہے کہ سعودی حکومت اختلاف رائے رکھنے والوں اور ناقدین کے خلاف کریک ڈاؤن کرنے کے لیے جانی جاتی ہے اور اس کی ٹیکنالوجی پلیٹ فارمز کو ہیک کرنے نیز اپوزیشن کی جاسوسی کے لیے جدید الیکٹرانک سرویلنس ٹیکنالوجی استعمال کرنے کی ایک طویل تاریخ ہے،انسانی حقوق کی تنظیموں نے بھی طویل عرصے سے سعودی عرب کی جانب سے اپنے مخالفین کو خاموش کرنے کے لیے انسداد دہشت گردی ایکٹ اور انسداد سائبر کرائم ایکٹ کو استعمال کرنے کے سلسلہ میں انتباہات دیے ہیں۔