شفقت چیمہ کو فالج ہونے اور ان کے کوما میں چلے جانے کی خبر جھوٹی ہے

?️ 24 اکتوبر 2024

لاہور: (سچ خبریں) پاکستانی فلموں میں ولن کے کردار ادا کرکے شہرت حاصل کرنے والے سینیئر اداکار شفقت چیمہ کو فالج کا اٹیک ہونے اور ان کے کوما میں چلے جانے کی خبر جھوٹی ہے۔

ایک روز قبل متعدد شوبز سوشل میڈیا پیجز اور ٹی وی چینلز نے یہ خبر شائع کی تھی کہ شفقت چیمہ کے دماغ کی شریان میں خون جم گیا، جس باعث وہ قومہ میں چلے گئے۔

خبروں میں دعویٰ کیا گیا تھا کہ شفقت چیمہ کو پہلے بھی دماغی شریانوں کا مسئلہ ہوا تھا، اب ان کی حالت انتہائی تشویش ناک ہونے پر انہیں لاہور کے نجی ہسپتال منتقل کردیا گیا۔

خبروں میں دعویٰ کیا گیا تھا کہ شفقت چیمہ دماغی شریان میں خون جم جانے کی وجہ سے کوما میں چلے گئے۔

لیکن ان کے بیٹے نے والد کو فالج ہونے اور ان کے کوما میں چلے جانے کی خبر کو جھوٹا قرار دیا۔

شفقت چیمہ کے بیٹے شہریار چیمہ نے ڈان امیجز سے بات کرتے ہوئے والد کو فالج ہونے اور ان کے کوما میں چلے جانے کی خبروں کو جھوٹا قرار دیا۔

انہوں نے بتایا کہ ان کے والد کو نمونیہ بخار کی شکایت تھی، جس وجہ سے وہ انہیں مقامی ہسپتال لے گئے تھے لیکن اب وہ گھر پر ہیں اور ان کے والد کی طبیعت بہتری کی جانب گامزن ہے۔

شہریار چیمہ نے اس سے قبل ویڈیو پیغام بھی جاری کیا، جس میں انہوں نے والد کے فالج ہونے اور ان کے کوما میں چلے جانے کی خبروں کو جھوٹا قرار دیا۔