بالی ووڈ کی مشہور اداکارہ بھی کورونا کا شکار

?️ 1 فروری 2022

ممبئی (سچ خبریں) 71بالی ووڈ کی مشہور اداکارہ شبانہ اعظمی بھی عالمی وبا کورونا وائرس کا شکار ہوگئیں۔اس حوالے سے شبانہ اعظمی نے انسٹاگرام پوسٹ پر کورونا میں مبتلا ہونے کی اطلاع دی ہے ۔ان کی  کورونا ٹیسٹ کی رپورٹ مثبت آئی ہے جس کے بعد انہوں نے فی الحال گھر میں ہی قرنطینہ کرلیا ہے۔

71 سالہ شبانہ اعظمی نے انسٹاگرام پر پوسٹ شیئر کی جس میں انہوں نے اپنے کورونا میں مبتلا ہونے کی اطلاع دی۔انہوں نے اپنی پوسٹ میں لکھا کہ ’میرے کورونا ٹیسٹ کی رپورٹ مثبت آئی ہے، فی الحال گھر میں ہی قرنطینہ کرلیا ہے۔اداکارہ نے درخواست کی کہ جو لوگ بھی حالیہ دنوں میں اُن سے رابطے میں رہے ہیں وہ اپنا کورونا ٹیسٹ ضرور کرائیں۔

سال  2020 میں انہوں نے اپنے ایک انٹرویو میں لاک ڈاؤن میں زندگی بسر کرنے کے حوالے سے بتایا تھا کہ وہ اور ان کے شوہر جاوید اختر نے کبھی اتنا وقت ساتھ نہیں گزارا ۔انہوں نے کہا کہ لاک ڈاؤن نے یہ مہربانی کی کہ ہم اب ہر وقت ساتھ ہی ہوتے ہیں اور ایک دوسرے کی صحبت سے لطف اندوز ہوتے ہیں۔

شبانہ اعظمی کرن جوہر کی ہدایت کاری میں بننے والی فلم ’راکی ​​اور رانی کی پریم کہانی‘ میں نظر آئیں گی۔فلم میں ان کے ہمراہ رنویر سنگھ، عالیہ بھٹ، دھرمیندر اور جیا بچن بھی اداکاری کے جوہر دکھائیں گے۔