کورونا وائرس  نے ایک روز میں مزید سو سے زائد جانیں لے لیں

🗓️ 28 اگست 2021

اسلام آباد(سچ خبریں) ملک بھر میں کورونا وائرس کی چوتھی لہر کا  قہرجاری ہے اسی دوران  گزشتہ 24 گھنٹوں کے دوران ملک بھر میں کرونا وائرس سے مزید 120 اموات رپورٹ کی گئیں، 4 ہزار سے زائد نئے کیسز رپورٹ ہوئے۔ گزشتہ 24 گھنٹوں میں ملک بھر میں کرونا وائرس کے مثبت کیسز کی شرح 6.83 فیصد رہی۔

تفصیلات کے مطابق نیشنل کمانڈ اینڈ آپریشن سینٹر کا کہنا ہے کہ گزشتہ 24 گھنٹوں کے دوران کرونا وائرس کے 120 مریض انتقال کر گئے جس کے بعد کرونا وائرس سے مجموعی اموات کی تعداد 25 ہزار 535 ہوگئی۔

این سی او سی کا کہنا ہے کہ گزشتہ 24 گھنٹوں کے دوران کرونا وائرس کے 4 ہزار 191 نئے کیسز رپورٹ ہوئے، ملک میں کووڈ 19 کے مجموعی کیسز کی تعداد 11 لاکھ 48 ہزار 572 ہوگئی۔ملک میں کرونا وائرس سے صحت یاب مریضوں کی مجموعی تعداد 10 لاکھ 29 ہزار 930 ہوگئی۔

این سی او سی کے مطابق گزشتہ 24 گھنٹوں کے دوران کرونا وائرس کے 61 ہزار 306 ٹیسٹ کیے گئے، اب تک ملک میں 1 کروڑ 75 لاکھ 85 ہزار 23 کووڈ 19 ٹیسٹ ہوچکے ہیں۔این سی او سی کا کہنا ہے کہ گزشتہ 24 گھنٹوں میں ملک بھر میں کرونا وائرس کے مثبت کیسز کی شرح 6.83 فیصد رہی۔

ملک بھر کے 631 اسپتالوں میں کرونا وائرس کے 5 ہزار 596 کیسز تشویشناک حالت میں ہیں۔ملک میں اب تک 3 کروڑ 99 لاکھ 51 ہزار 787 افراد کو ویکسین کی ایک ڈوز جبکہ 1 کروڑ 52 لاکھ 69 ہزار 699 افراد کو ویکسین کی دونوں ڈوزز لگائی جا چکی ہیں۔