ڈونلڈ ٹرمپ کا بورڈ آف پیس غزہ پر قبضے کا منصوبہ ہے۔ لیاقت بلوچ

?️ 22 جنوری 2026

لاہور (سچ خبریں) جماعت اسلامی پاکستان کے نائب امیر لیاقت بلوچ نے کہا ہے کہ امریکی صدر ڈونلڈ ٹرمپ کا بورڈ آف پیس غزہ پر قبضہ کا منصوبہ ہے۔

اپنے بیان میں لیاقت بلوچ کا کہنا تھا کہ وزیر دفاع خواجہ آصف نے قومی اسمبلی میں شعلہ بیانی سے اتحادیوں کے لئے نورا کشتی کا نیا اکھاڑا دیا ہے۔ انہوں نے کہا کہ حکومت نے گندم کی قیمت 3500 روپے مقرر کر کے زراعت اور کسان کی بربادی کی ہے۔

گزشتہ روز سماجی رابطے کی ویب سائٹ ایکس پر امیر جماعت اسلامی حافظ نعیم الرحمان کا بھی کہنا تھا کہ ڈونلڈ ٹرمپ کے بورڈ آف پیس میں پاکستان کی شمولیت کے حکومتی فیصلے کو مسترد کرتے ہیں۔

واضح رہے کہ پاکستان نے غزہ میں پائیدار امن کے قیام کیلئے بورڈ آف پیس (بی او پی) میں شمولیت کی امریکی صدر ڈونلڈ ٹرمپ کی دعوت قبول کر لی ہے۔