پیٹرولیم مصنوعات کی قیمتوں میں 9 روپے تک کمی کا امکان

?️

اسلام آباد: (سچ خبریں) تمام پیٹرولیم مصنوعات کی قیمتوں میں بین الاقوامی مارکیٹ میں قیمتوں میں کمی کی وجہ سے 28 فروری کو ختم ہونے والے اگلے پندرہ روز کے لیے 2.50 سے 9 روپے فی لیٹر تک کمی کا امکان ہے۔

میڈیا رپورٹس کے مطابق باخبر ذرائع نے بتایا کہ ایکس ڈپو پیٹرول کی قیمت میں 15 فروری کو ہونے والے حتمی حساب سے 2 سے 2.50 روپے فی لیٹر تک کمی کا تخمینہ لگایا گیا ہے، جبکہ ہائی اسپیڈ ڈیزل (ایچ ایس ڈی) میں تقریباً 9 روپے کی کمی ہو سکتی ہے۔

مٹی کے تیل اور لائٹ ڈیزل آئل کی قیمتوں میں تقریباً 3.45 روپے سے 5 روپے فی لیٹر کمی کا تخمینہ لگایا گیا ہے۔

پیٹرولیم مصنوعات کی قیمتوں میں کمی کا تخمینہ بین الاقوامی مارکیٹ میں قیمتوں میں کمی سے لگایا گیا ہے۔

بینچ مارک برینٹ کی قیمتوں میں پچھلے پندرہ دن فی بیرل 2 ڈالر کی کمی ہوئی۔ ذرائع نے بتایا کہ عالمی مارکیٹ میں ایچ ایس ڈی کی اوسط قیمت میں تقریباً 3 ڈالر فی بیرل جب کہ گزشتہ پندرہ دن میں پیٹرول کی قیمت میں تقریباً 90 سینٹس فی بیرل کی کمی واقع ہوئی ہے۔

مٹی کے تیل اور ایل ڈی او کی ایکس ریفائنری لاگت بھی نیچے آئی ہے۔ پیٹرول پر درآمدی پریمیم ایک ڈالر کم ہوکر 8.8 سے 7.75 ڈالر فی بیرل ہوگیا جبکہ ڈیزل کے لیے کوئی تبدیلی نہیں ہوئی۔

اس کے نتیجے میں ہائی اسپیڈ ڈیزل کی قیمت میں تقریباً 9 روپے فی لیٹر، پیٹرول میں 2.50 روپے فی لیٹر، مٹی کے تیل میں 3.50 روپے فی لیٹر اور ایل ڈی او میں تقریباً 5 روپے فی لیٹر کی کمی کا امکان ہے۔

اس وقت پیٹرول کی ایکس ڈپو قیمت 257.13 روپے فی لیٹر جبکہ ڈیزل کی 267.95 روپے فی لیٹر ہے۔ مٹی کے تیل کا سرکاری ریٹ 174.85 روپے فی لیٹر ہے لیکن یہ 300 سے 350 روپے فی لیٹر فروخت ہو رہا ہے۔

پیٹرول بنیادی طور پر نجی ٹرانسپورٹ، چھوٹی گاڑیوں، رکشوں اور دو پہیہ والی سواریوں میں استعمال ہوتا ہے اور یہ براہ راست متوسط ​​اور نچلے ​​طبقات کے بجٹ کو متاثر کرتا ہے۔

ٹرانسپورٹ کا زیادہ تر شعبہ ہائی اسپیڈ ڈیزل پر چلتا ہے۔ اس کی قیمت کو مہنگائی کی وجہ سمجھا جاتا ہے کیونکہ یہ بنیادی طور پر بھاری ٹرانسپورٹ گاڑیوں، ٹرینوں اور زرعی انجنوں جیسے ٹرکوں، بسوں، ٹریکٹرز، ٹیوب ویلز اور تھریشر میں استعمال ہوتا ہے اور خاص طور پر سبزیوں اور دیگر کھانے پینے کی اشیا کی قیمتوں میں اضافہ کرتا ہے۔

مشہور خبریں۔

ہنیہ کی شہادت سے پاکستانی عوام غصے میں

?️ 1 اگست 2024سچ خبریں: صیہونی دہشت گرد حکومت کے ہاتھوں تحریک حماس کے سربراہ

مسلسل سیاسی عدم استحکام پاکستان میں اصلاحات کے نفاذ کیلئے سنگین خطرہ قرار

?️ 20 ستمبر 2023اسلام آباد: (سچ خبریں) پاکستان کے معاشی آؤٹ لُک کے مزید منفی

غزہ جنگ میں صیہونیوں کو کیا حاصل ہوا ہے؟صیہونی عہدیدار کی زبانی

?️ 23 مئی 2024سچ خبریں: صیہونی حکومت کے ایک اعلیٰ عہدے دار نے اعتراف کیا

اومی کرون کے خطرے کے پیش نظر عثمان بزدار کی حکام کو ضروری ہدایات

?️ 10 دسمبر 2021لاہور (سچ خبریں) پاکستان بھر میں کورونا وائرس کے نئے ویرئینٹ اومی

حزب اللہ کے ساتھ جنگ میں اسرائیلی فوج میں بڑا خلاء

?️ 9 جنوری 2024سچ خبریں:لبنانی مزاحمت کے دردناک ردعمل کے سائے میں حزب اللہ اور

الکرامہ آپریشن سے فلسطین کو کیا فائدہ ہے ؟

?️ 9 ستمبر 2024سچ خبریں: عراقی حزب اللہ بٹالین نے اردن اور مقبوضہ فلسطین کی سرحد

جولانی کو عرب لیگ کے اجلاس میں شرکت کی دعوت

?️ 24 فروری 2025سچ خبریں: شامی میڈیا نے اطلاع دی ہے کہ مصری صدر عبدالفتاح

آرٹی فیشل گریویٹی پیدا کرنے والا دیوقامت پہیے نما خلائی اسٹیشن

?️ 1 مارچ 2021واشنگٹن {سچ خبریں} آربٹل اسمبلی کارپوریشن نے زمین کے گرد مدار میں

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے