پنجاب میں انتخابات کا شیڈول ملتوی ،الیکشن کمیشن کا صدر مملکت کو خط

🗓️ 24 مارچ 2023

اسلام آباد: (سچ خبریں) پنجاب میں انتخابات ملتوی کرنے کا معاملہ،الیکشن کمیشن نے صدر مملکت عارف علوی کو خط لکھ دیا۔ میڈیا رپورٹس کے مطابق الیکشن کمیشن نے صدر عارف علوی کو خط لکھ کر پنجاب کے انتخابات کی منسوخی کے حوالے سے آگاہ کر دیا ہے۔

ذرائع کا حوالہ دیتے ہوئے بتایا گیا کہ الیکشن کمیشن نے خط میں انتخابات منسوخی کی وجوہات بتائیں اور 8 اکتوبر کی نئی پولنگ تاریخ سے متعلق بھی آگاہ کیا،صدر مملکت کو 8 اکتوبر کی پولنگ کی تاریخ سے آگاہ کرنا مشاورتی عمل کا حصہ ہے۔

الیکشن کمیشن نے خط میں انتخابات منسوخ کرنے کی وجوہات بتائیں،8 اکتوبر کی نئی پولنگ تاریخ سے متعلق بھی آگاہ کیا

یاد رہے کہ الیکشن کمیشن نے پنجاب میں انتخابات کا شیڈول منسوخ کر دیا تھا جبکہ گزشتہ روز پاکستان تحریک انصاف نے پنجاب میں الیکشن کے التوا کو چیلنج کرنے کا اعلان کیا،پی ٹی آئی رہنماؤں نے کہا کہ الیکشن کے التوا کیخلاف سپریم کورٹ میں رٹ دائر کریں گے، پٹیشن میں 30 اپریل کو الیکشن کرانے کا مطالبہ کریں گے۔