وفاقی وزیر داخلہ کے بڑے بھائی انتقال کر گئے

?️ 17 نومبر 2021

اسلام آباد (سچ خبریں) وفاقی وزیر داخلہ شیخ رشید کے بڑے بھائی انتقال کر گئے۔ شہریوں کی بڑی تعداد لال حویلی تعزیت کے لیے پہنچی ہے ، مرحوم کی نماز جنازہ آج شام 6 بجے کوٹ رادھا کشن میں ادا کی جائے گی۔ اس حوالے سے شیخ رشید نے ٹویٹرپر پیغام جاری کرتے ہوئے کہا کہ میرے بڑے بھائی رضائے الہی سے انتقال کر گئے۔

تفصیلات کے مطابق  مائیکروبلاگنگ ویب سائٹ ٹویٹر پر اپنے پیغام میں وفاقی وزیر داخلہ شیخ رشید نے بتایا کہ انتہائی افسوس کے ساتھ اطلاع ہے کہ میرے بڑے بھائی لالہ شیخ رفیق قمر رضائے الہی سے انتقال کرگئے۔ جس کے بعد عوام کی جانب سے کافی تعداد میں تعزیتی پیغام بھی انہیں پہنچے ہیں۔

ان کی نماز جنازہ آج بروز بدھ شام 6 بجے کوٹ رادھا کشن میں اداکی جائے گی- آپ سب سے مرحوم کے لئے دعاؤں کا درخواست گزار ہوں۔شیخ رشید کے ٹویٹر پیغام کے بعد سیاسی و سماجی شخصیات کی جانب سے وفاقی وزیر شیخ رشید سے بڑے بھائی کےانتقال پر تعزیت کا اظہار کیا گیا۔ جبکہ شہریوں کی بڑی تعداد لال حویلی تعزیت کے لیے پہنچی۔ شیخ رشید کے بھتیجے ارشد نے کہا کہ نماز جنازہ کی ادائیگی کے بعد شیخ رشید لال حویلی میں بیٹھیں گے۔