صہیونی دشمن کو ہماری تمام شرطیں ماننا پڑیں:حماس

?️ 15 مئی 2023

سچ خبریں:تحریک حماس کے ترجمان نے اس بات پر زور دیا کہ فلسطینی مزاحمتی قوتیں صہیونی دشمن پر اپنی مطلوبہ مساوات مسلط کرنے میں کامیاب ہوگئیں۔

القدس اخبار کی رپورٹ کے مطابق تحریک حماس کے ترجمان حزام قاسم نے کہا ہے کہ فلسطینی مزاحمت کار اپنے بازو جوائنٹ آپریشن روم کے ذریعے فلسطینی شہداء کے خون سے کیے ہوئے اپنے وعدے پر قائم رہے اورصیہونی دشمن پر اپنی مطلوبہ مساوات مسلط کر دی۔

انہوں نے مزید کہا کہ صیہونی دشمن کے جرائم جواب کے بغیر نہیں رہیں گے نیز فلسطینی فورسز کے جوائنٹ آپریشنز روم نے میدان میں ہونے والی پیش رفت کی نگرانی کرتے ہوئے آزادگان انتقام آپریشن کو جدید طریقے سے منظم کیا۔

قاسم نے کہا کہ میدانوں کے اتحاد نے ایک قوم کے لوگوں کو تقسیم کرنے کی دشمن کی تمام کوششوں کو ناکام بنا دیا، انہوں نے واضح کیا کہ مقبوضہ بیت المقدس اور مسجد اقصیٰ میں ہمارے مقدس مقامات صہیونی دشمن کے خلاف ہماری جدوجہد کی ترجیح رہیں گے نیز ہم صیہونی حکومت کے انسانیت کے خلاف جرائم کا مقابلہ کریں گے۔

درایں اثنا فلسطین کی جہاد اسلامی تحریک کے سیاسی دفتر کے رکن علی ابو شاہین نے بھی کہا کہ یہ تحریک فلسطینی عوام کی حمایت اور صہیونی دشمن کے خلاف مزاحمت کے محور کے ساتھ کھڑی ہے۔

قابل ذکر ہے کہ نیتن یاہو نے پوری دھونس کے ساتھ اعلان کیا کہ وہ فلسطینی جہاد اسلامی تحریک کے فوجی انفراسٹرکچر کو نشانہ بنائیں گے، لیکن اس کے بجائے انہوں نے میزائلوں کی بارش دیکھی جس نے ثابت کر دیا کہ ان کی دھکیاں کھوکھلی اور وہ مزحمت کا مقابلہ کرنے سے قاسر ہیں۔