وزیرخارجہ کی ایران، ترکیہ کے ہم منصب سے ٹیلی فونک رابطہ، خطے کی صورتحال پر تبادلہ خیال

🗓️

اسلام آباد:(سچ خبریں) وزیرخارجہ بلاول بھٹوزرداری نے ایرانی ہم منصب حسین امیر عبداللہیان اور ترک وزیرخارجہ سے ٹیلیفونک رابطے میں دونوں ممالک کے ساتھ مختلف شعبوں میں تعلقات مضبوط کرنے سمیت خطے کی صورت حال پر تبادلہ خیال کیا اور دہشت گردی کے واقعات پر اظہار یک جہتی کیا۔

ترجمان دفترخارجہ ممتاز زہرا بلوچ کی جانب سے جاری بیان میں کہا گیا کہ وزیرخارجہ بلاول بھٹوزرداری نے ایران کے وزیرخارجہ امیر عبداللہیان سے بات کی۔

بیان میں کہا گیا کہ وزیرخارجہ بلاول بھٹو زرداری نے تجاری، توانائی، رابطہ کاری، ثقافتی اور عوامی رابطوں سمیت مختلف شعبوں میں دو طرفہ تعلقات میں اضافے کی حکومت پاکستان کی خواہش کا اظہار کیا۔

دفترخارجہ نے کہا کہ دونوں رہنماؤں نے خطے میں ہونے والی حالیہ پیش رفت پر تبادلہ خیال کیا اور امن و استحکام کے فروغ کے لیے دونوں ممالک کے درمیان اعلیٰ سطح کے رابطے جاری رکھنے کی خواہش کو نمایاں کیا گیا۔

بلاول بھٹوزرداری نے ایران کے صوبے شیراز میں ایک مزار پر دہشت گردی کے حملے کی مذمت کی اور پاکستان کی جانب سے ایران کے عوام کے ساتھ اظہار یک جہتی کیا۔ دفترخارجہ نے بتایا کہ دونوں رہنماؤں نے مستقل طور پر رابطے برقرار رکھنے پر اتفاق کیا۔

ترجمان دفترخارجہ کی جانب سے جاری بیان کے مطابق وزیرخارجہ بلاول بھٹو زرداری نے 15 نومبر کو ترکیہ کے وزیرخارجہ میولت کاؤس اوغلو سے ٹیلی فون پر بات کی اور استنبول میں دہشت گردی کے حملے پر تعزیت کی۔

وزیرخارجہ نے بزدلانہ حملے کی شدید مذمت کی اور دہشت گردی کے خلاف ترکیہ کی جنگ میں پاکستان کے بھرپور تعاون کا اعادہ کیا۔

ترجمان نے بیان میں کہا کہ وزیرخارجہ نے ترک حکام کی کوششوں کو بھی سراہا، جس کے نتیجے میں بدترین واقعے کے ملزمان کی فوری گرفتاری ہوئی تھی۔

بلاول بھٹوزرداری نے ترک قوم کی بہادری کی تعریف کی اور کہا کہ ان کا عزم امن اور استحکام کو خراب کرنے کی ناکام کوششوں کو دفن کردےگا۔

ترجمان دفترخارجہ نے بتایا کہ گفتگو کے دوران وزیرخارجہ بلاول بھٹوزرداری نے واقعے میں زخمی ہونے والے پاکستانیوں کو بہترین طبی سہولیات فراہم کرنے پر ترک ہم منصب کا شکریہ ادا کیا اور واقعے کے زیر علاج زخمیوں کی فوری صحت یابی کے لیے دعا کی۔

مشہور خبریں۔

امریکی عدالت کا سنٹرل بینک آف ایران کے خلاف 1.68 بلین امریکی ڈالر ہرجانے کا فیصلہ

🗓️ 23 مارچ 2023سچ خبریں:ایک امریکی جج نے اپنے فیصلے میں سنٹرل بینک آف ایران

مریم اورنگزیب کا ایف آئی اے سے پاکستانی اداکاراؤں کی کردار کشی کے خلاف کارروائی کا مطالبہ

🗓️ 5 جنوری 2023اسلام آباد: (سچ خبریں) وفاقی وزیر اطلاعات اور نشریات مریم اورنگزیب نے

افغان امن کانفرنس کی منسوخی اور طالبان کا امریکا سے اہم مطالبہ

🗓️ 22 اپریل 2021(سچ خبریں) ترکی کانفرنس میں شرکت کے بدلے امریکا سے کہا ہے

شانگلہ میں وزیر اعظم کا خطاب

🗓️ 7 مئی 2022شانگلہ:(سچ خبریں) وزیراعظم شہباز شریف نے کہا ہے کہ جب تک خادم

ایف آئی اے نے سینیٹر اعظم سواتی سے منسوب ویڈیو جعلی قرار دے دی

🗓️ 6 نومبر 2022اسلام آباد:(سچ خبریں) وفاقی تحقیقاتی ادارے (ایف آئی اے) نے کہا ہے

کراچی: انسانی اسمگلنگ میں ملوث نیٹ ورک بے نقاب، غیرقانونی طور پر بیرون ملک جانے والا ملزم گرفتار

🗓️ 21 دسمبر 2024 کراچی: (سچ خبریں) کراچی ائیرپورٹ پر ایف آئی اے امیگریشن نے

وزیر اعظم نے  2023 کے انتخابات کی تیاری کی ہدایت کر دی

🗓️ 20 جولائی 2021اسلام آباد(سچ خبریں) وزیراعظم عمران خان نے پی ٹی آئی رہنماؤں کو

جماعت اسلامی اور حکومت کے درمیان ہونے والے مذاکرات کی تفصیلات

🗓️ 8 اگست 2024سچ خبریں: جماعت اسلامی کے نائب امیر لیاقت بلوچ نے کہا ہے

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے