?️
اسلام آباد(سچ خبریں) وزیر خارجہ شاہ محمود قریشی کو اپنے سعودی ہم منصب شہزادہ فیصل بن فرحان آل سعود کی جانب سے ٹیلیفون کال موصول ہوئی ہے جس میں انہوں نے 2021 میں حج کے انتظامات کے حوالے سے درپیش چیلنجز کا تذکرہ کیادفتر خارجہ کے جاری بیان کے مطابق سعودی وزیر خارجہ نے شاہ محمود قریشی کو حج سے متعلق انتظامات کے حوالے درپیش چیلنجز اور سعودی حکومت کی جانب سے عوامی مفاد میں اٹھائے گئے اقدامات سے آگاہ کیا۔
شاہ محمود قریشی نے ان فیصلوں پر مکمل اعتماد کا اظہار کرتے ہوئے کہا کہ ہمیں صورت حال کی نزاکت کا بخوبی علم ہے۔علاوہ ازیں وزیر خارجہ شاہ محمود قریشی اور سعودی وزیر خارجہ شہزادہ فیصل بن فرحان آل سعود کے درمیان ٹیلیفونک گفتگو میں دوطرفہ تعلقات، مختلف شعبہ جات میں تعاون اور باہمی دلچسپی کے علاقائی وعالمی امور پر تبادلہ خیال کیا گیا۔
دونوں وزرائے خارجہ نے اسلام آباد اور ریاض کے مابین دیرینہ اور دوستانہ تعلقات کے حوالے سے اپنے عزم کا اعادہ کیا۔وزیر خارجہ شاہ محمود قریشی نے پاکستانی قیادت کی جانب سے سعودی فرمانروا شاہ سلمان بن عبد العزیز اور ولی عہد شہزادہ محمد بن سلمان کے لیے نیک خواہشات کا اظہار کیا۔
دونوں وزرائے خارجہ نے وزیر اعظم عمران خان کے حالیہ کامیاب دورہ ریاض کے مثبت نتائج پر بھی تبادلہ خیال کیا۔علاوہ ازیں سرکاری نیوز ایجنسی ’اے پی پی‘ کے مطابق دونوں نے دونوں ممالک کی قیادت کے مابین مشترکہ فیصلوں پر جلد عملدرآمد کو یقینی بنانے پر بھی اتفاق کیا۔
وزیر خارجہ شاہ محمود قریشی نے سعودی عرب کی سالمیت کے حوالہ سے پاکستان کی حمایت کا یقین دلایا۔ٹیلی فونک گفتگو میں پاکستان اور سعودی عرب کے مابین گہرے برادرانہ تعلقات کے باعث دونوں وزرائے خارجہ کے مابین راوبط کا سلسلہ تواتر سے جاری رہنے پر زور دیا گیا۔
خیال رہے کہ اس سے قبل دونوں وزرائے خارجہ کی مئی 2021 میں دو مرتبہ ملاقات ہوئی تھی۔پہلی ملاقات وزیر اعظم عمران خان کے دورہ سعودی عرب کے دوران جبکہ دوسری فلسطین کے حوالے سے منعقدہ اقوام متحدہ جنرل اسمبلی کے ہنگامی اجلاس کے موقع پر ہوئی تھی۔
مشہور خبریں۔
سلامتی کونسل میں بھارت کے بیان پر پاکستان کا رد عمل سامنے آگیا
?️ 4 اگست 2021اسلام آباد(سچ خبریں) پاکستان نے بھارتی وزیر خارجہ کی جانب سے سلامتی
اگست
توشہ خانہ کیس میں عمران خان کی گرفتاری: زمان پارک آپریشن روکنے کے حکم میں 3 بجے تک توسیع
?️ 17 مارچ 2023اسلام آباد:(سچ خبریں) توشہ خانہ کیس میں عمران خان کی گرفتاری کے
مارچ
مسجد اقصیٰ کو تقسیم کرنے کا منصوبہ اعلان جنگ ہے: فلسطینی استقامت
?️ 9 جون 2023سچ خبریں:صیہونی عارضی پارلیمنٹ Knesset میں لیکود پارٹی کے رکن Omit Halevi
جون
پبلک اکاؤنٹس کمیٹی کے اجلاس کا احوال
?️ 7 جون 2022اسلام آباد(سچ خبریں)پی اے سی نے نیب افسران، ان کے بچوں اور
جون
کیا امریکی رفح پر حملہ کرنے پر راضی ہیں؟
?️ 2 مئی 2024سچ خبریں: امریکی کانگریس کی ڈیموکریٹک پارٹی کے نمائندوں کے ایک گروپ
مئی
ایران کی معیشت پابندیوں کے خلاف استقامت کر رہی ہے: سعودی اخبار
?️ 25 جون 2022سچ خبریں: سعودی اخبار عرب نیوز نے جمعرات کے روز ایک
جون
پنجاب کے ایئرپورٹس، پاک فضائیہ کی ایئربیسز کی 15 کلو میٹر کی حدود میں دفعہ 144 نافذ
?️ 3 جون 2025لاہور: (سچ خبریں) محکمہ داخلہ پنجاب نے صوبے کے تمام ایئرپورٹس اور
جون
سعودی عرب کی تل ابیب کے ساتھ تعلقات کو معمول پر لانے کی شرائط
?️ 1 مئی 2023سچ خبریں:صیہونی میڈیا نے ریاض اور تل ابیب کے درمیان تعلقات کو
مئی