لاہور کا تجارتی وفد ایران کے دورے پر روانہ

?️ 20 فروری 2022

لاہور(سچ خبریں) لاہور چیمبر آف کامرس اینڈ انڈسٹری کے چیئرمین اور اعلیٰ عہدیداروں پر مشتمل ایک پاکستانی تجارتی وفد تجارتی تعلقات بالخصوص ایرانی صوبوں کے چیمبرز آف کامرس کے ساتھ بات چیت کے لیے اتوار کی صبح اسلامی جمہوریہ ایران روانہ ہوا۔یہ دورہ دونوں ممالک کے درمیان رابطوں کو وسعت دینے کی غرض سےکیا جا رہا ہے۔

لاہور کے سینئر کاروباری کارکنوں اور اس شہر کے چیمبر آف انڈسٹری اینڈ کامرس کے عہدیداروں کا دورہ،  لاہور میں اسلامی جمہوریہ ایران کے قونصلیٹ جنرل کی کاوشوں سے کیا گیا ہے اور یہ دونوں ممالک کے درمیان رابطوں کو وسعت دینے کی کوششوں کا حصہ ہے۔

لاہور چیمبر آف کامرس کے اراکین چیمبر آف کامرس اینڈ انڈسٹری کے چیئرمین نعمان کبیر کی سربراہی میں آج صبح لاہور انٹرنیشنل ایئرپورٹ سے تہران کے لیے روانہ ہوئے۔لاہور چیمبر کے ممبران تہران، اصفہان، مشہد اور زاہدان کا دورہ کریں گے جہاں وہ ایران کے کاروباری اور صوبائی عہدیداروں سے ملاقات کریں گے، چیمبر آف کامرس میں اپنے ہم منصبوں سے باہمی تجارت کو فروغ دینے اور پنجاب اور ایرانی صوبوں کے درمیان اقتصادی اور تجارتی تعلقات کو بڑھانے کے طریقوں پر تبادلہ خیال کریں گے۔

ایران اور پاکستان کے نجی شعبوں کے درمیان تعلقات کو مضبوط بنانا اور سرمایہ کاری، سیاحت، صنعت اور درآمد و برآمد کے شعبوں میں تعاون کو فروغ دینے کے لیے باہمی صلاحیتوں کی وضاحت پاکستانی تجارتی وفد کے دورہ ایران کے دیگر مقاصد ہیں۔

پاکستان کی سب سے بڑی ریاست  کے طور پر لاہور کے تجارتی وفد کا دورہ ایران ایسے حالات میں ہو رہا کہ پاکستان کی قومی اسمبلی کے وائس سپیکر اس وقت اسلامی مشاورتی اسمبلی کے فرسٹ ڈپٹی سپیکر کی دعوت پر سرکاری دورے پر تہران میں ہیں۔دوطرفہ تعلقات کو مضبوط بنانا۔ تجارتی تعاون، دونوں پڑوسیوں کے درمیان تجارتی تعلقات کو آسان بنانا، خاص طور پر سرحد پار مشترکہ منڈیوں کے ڈیزائن کو فروغ دینا اور سرحدی تعلقات کو ہموار کرنا اس سفر کے اہم مقاصد ہیں۔