نصف روسی افواج جارحانہ پوزیشن میں ہیں: سی این این کا دعوی

?️ 20 فروری 2022

سچ خبریں:سی این این نے واشنگٹن کے ایک دفاعی عہدہ دار کے حوالے سے بتایا کہ یوکرائن کے ارد گرد روسی ٹیکٹیکل بٹالین بڑھ گئی ہیں جبکہ نصف روسی فوج حملے کرنے کے لیے تیار ہے۔
سی این این کی رپورٹ کے مطابق ایک امریکی دفاعی عہدہ دار نے دعویٰ کیا کہ یوکرائن کے ارد گرد نصف روسی افواج حملے کی پوزیشن میں ہیں، ان کے مطابق روسی افواج کی ٹیکٹیکل بٹالینز کی تعداد تقریباً 120 سے 125 تک بڑھ گئی ہے،یادرہے کہ ایک ٹیکٹیکل بٹالین عموماً ایک ہزار فوجیوں پر مشتمل ہوتی ہے۔

انہوں نے مزید کہا کہ روسی فوج نے سرحد کی جانب پیش قدمی جاری رکھی ہے اور گزشتہ 48 گھنٹوں میں جارحانہ پوزیشن میں موجود فوجیوں کی تعداد 40 سے 50 فیصد تک پہنچ گئی ہے، اہلکار کے مطابق اسی دوران یوکرائن پر ڈونباس میں نسل کشی، جھوٹے فلیگ آپریشنز وغیرہ کے الزامات کے ساتھ روس کی عدم استحکام کی مہم شروع ہو گئی ہے۔

اسی سلسلے میں امریکی صدر جوبائیڈن نے روس کے خلاف اپنے سابقہ الزامات کو دہرایا، اس بار یہ دعویٰ کیا کہ روسی صدر ولادیمیر پیوٹن نے یوکرائن پر حملہ کرنے کا فیصلہ کیا ہے، بائیڈن نے انٹیلی جنس تخمینوں کا حوالہ دیتے ہوئے کہاکہ مجھے یقین ہو گیا ہے کہ اس نے (پیوٹن) حملہ کرنے کا فیصلہ کر لیا ہے اور ہمارے پاس اس پر یقین کرنے کی وجوہات ہیں۔