لانگ مارچ نزدیک، اسلام آباد پولیس کو ڈرونز، باڈی کیمرے مہیا کر دیے گئے

?️

اسلام آباد: (سچ خبریں) پی ٹی آئی کا لانگ مارچ نزدیک پہنچنے کے پیشِ نظر اسلام آباد پولیس نے احتجاج کے دوران امن و امان کی صورتحال یقینی بنانے کے لیے اسلام آباد کے داخلی مقامات پر تعینات اہلکاروں کو باڈی کیمروں سے لیس کرنے کا فیصلہ کیا ہے۔

میڈیا رپورٹس  کے مطابق لانگ مارچ کے دوران اگر مظاہرین نے پولیس اہلکاروں پر حملہ کرنے یا سرکاری املاک کو تباہ کرنے کی کوشش کی تو ان کیمروں کی آڈیو اور ویڈیو ریکارڈنگز کو مجرموں کی شناخت اور گرفتار کرنے کے لیے استعمال کیا جائے گا۔

علاوہ ازیں پولیس نے وفاقی دارالحکومت میں داخلی مقامات سمیت دیگر حساس مقامات پر بھی اہلکاروں کو تعینات کرنے کا فیصلہ کیا ہے۔

خیال رہے کہ یہ پہلی بار نہیں ہے کہ پولیس نے شفافیت کی خاطر باڈی کیمروں کے استعمال کا فیصلہ کیا ہے، پی ٹی آئی حکومت کے دور میں بھی پولیس نے بدتمیزی اور بھتہ خوری کی شکایات کے بعد چیک پوسٹوں پر تعینات اہلکاروں کو باڈی کیمروں سے لیس کرنے کا فیصلہ کیا تھا۔

تاہم یہ پہلا موقع ہوگا کہ امن و امان کی صورتحال سے نمٹنے اور ممکنہ شرپسندوں کی نشاندہی کے لیے اسلام آباد میں کیمرے استعمال کیے جائیں گے۔

پہلے مرحلے میں ان کیمروں کی کارکردگی جانچنے کے لیے لگ بھگ 10 کیمرے منگوائے گئے ہیں اور پائلٹ فیز کے بعد مزید کیمرے منگوائے جائیں گے۔

یہ کیمرے نائٹ ویژن کی صلاحیتوں سے لیس ہیں اور ویڈیوز کے ساتھ ساتھ آڈیو بھی ریکارڈ کر سکتے ہیں۔

اسی طرح رینجرز اور فرنٹیئر کانسٹیبلری (ایف سی) اہلکار بھی لانگ مارچ کے دوران اپنے فرائض کی انجام دہی کے لیے جدید ٹیکنالوجی سے لیس ہوں گے۔

چیئرمین پی ٹی آئی عمران خان نے ہفتے کو اعلان کیا تھا کہ وہ 26 نومبر کو راولپنڈی میں ہونے والے لانگ مارچ میں ذاتی طور پر شرکت کریں گے۔

اسی روز اسلام آباد ہائی کورٹ (آئی ایچ سی) میں جمع کرائی گئی ایک رپورٹ میں اسلام آباد پولیس نے آزاد جموں و کشمیر اور خیبر پختونخواہ کے پولیس اہلکاروں کے ساتھ اپنے حادثاتی تصادم کا خدشہ ظاہر کیا تھا جو کہ لانگ مورچ کو سیکورٹی فراہم کر رہے ہیں۔

آئی جی اسلام آباد اکبر ناصر خان کی زیرصدارت ایک اجلاس میں اسلام آباد پولیس نے پی ٹی آئی کے لانگ مارچ کے پیش نظر سیکیورٹی صورتحال کا جائزہ لیا۔

اسلام آباد پولیس کے آفیشل ٹوئٹر اکاؤنٹ سے جاری بیان کے پولیس نے کہا کہ کسی کو بھی قانون ہاتھ میں لینے کی اجازت نہیں دی جائے گی، اسلام آباد اور ریڈ زون کی جانب ممکنہ مارچ کے پیش نظر انتظامیہ 26 نومبر کو راولپنڈی سے اسلام آباد میں داخلہ بند کر سکتی ہے۔

ان کا کہنا تھا کہ وفاقی دارالحکومت میں کسی بھی سیاسی سرگرمی کے لیے اسلام آباد انتظامیہ سے اجازت لازمی ہوگی، ریڈ زون کی سیکیورٹی کو یقینی بنانے کے لیے پولیس، ایف سی اور رینجرز کو تعینات کیا جائے گا اور سیکیورٹی کو بہتر بنایا جائے گا۔

پولیس کی جانب سے جاری بیان میں مزید بتایا گیا کہ دہشت گردی کے خطرات کو مدنظر رکھتے ہوئے ضلع بھر میں قانون نافذ کرنے والے اداروں کی جانب سے سرچ آپریشن کیے جائیں گے، کسی بھی رکاوٹ کی صورت میں سخت کارروائی کی جائے گی۔

دریں اثنا راولپنڈی میں پی ٹی آئی رہنما اسد عمر اور شبلی فراز نے سٹی پولیس آفس میں ایک ملاقات کی جس میں پی ٹی آئی کے لانگ مارچ کے دوران امن و امان برقرار رکھنے کے لیے صوبائی پولیس کے سیکیورٹی پروٹوکول پر تبادلہ خیال کیا گیا۔

ذرائع کے مطابق پی ٹی آئی رہنماؤں نے سی پی او راولپنڈی سے ان کے دفتر میں ملاقات کی جس میں مارچ کے شرکا کے سیکیورٹی پروٹوکول پر تبادلہ خیال کیا گیا۔

مشہور خبریں۔

یحییٰ السنوار کے قتل کے ایجنٹوں میں سے ایک کی پہچان

?️ 7 جنوری 2025سچ خبریں: مقبوضہ علاقوں میں مقیم فلسطینی نوجوانوں کے ایک گروپ نے

پاکستان نے افغانستان کیلئے بے مثال قربانیاں دی ہیں: فواد چوہدری

?️ 28 جولائی 2021اسلام آباد(سچ خبریں) وفاقی وزیرِ اطلاعات و نشریات فواد چوہدری کا کہنا

رکن پنجاب اسمبلی نوید علی کو گرفتار کر لیا گیا

?️ 26 مئی 2021پنجاب (سچ خبریں) جسٹس شہرام سرور نے نوید علی کی عبوری ضمانت

تاریخ کی بد قسمتی؛ معاہدہ توڑنے میں امریکہ کا ریکارڈ

?️ 13 مارچ 2025سچ خبریں: امریکی حکومت کو بین الاقوامی معاہدوں سے دستبردار ہونے یا معاہدوں

یوکرین میں روزانہ ملٹری کارگو پہنچتا ہے: واشنگٹن

?️ 13 اپریل 2022سچ خبریں:  محکمہ خارجہ کے ترجمان نے منگل کی شام کہا کہ

چیئرمین اور ڈپٹی چیئرمین سینیٹ کی ریٹائرمنٹ،پاکستان کی تاریخ میں پہلی بار سینیٹ غیر فعال ہوگئی

?️ 12 مارچ 2024اسلام آباد: (سچ خبریں) چیئرمین سینیٹ صادق سنجرانی اور ڈپٹی چیئرمین سینیٹ مرزا آفریدی

کورونا: وزیر اعلی سندھ نے اہم ہدایات جاری کر دیں

?️ 3 جنوری 2022کراچی (سچ خبریں)پاکستان میں کورونا کیسز میں تیزی سے اضافہ ہورہا ہے

ہم ایران کے ساتھ کسی بھی طرح کی بات چیت کا خیرمقدم کرتے ہیں: سعودی وزیر خارجہ

?️ 16 دسمبر 2021سچ خبریں:سعودی وزیر خارجہ نے میڈیا کے ان دعوؤں کی تردید کی

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے