غزہ کے اسپتالوں پر صیہونی فوج کیی بربریت؛صیہونی اخبار کی زبانی

سچ خبریں:صیہونی اخبار ہارٹیز نے اعتراف کیا ہے کہ صہیونی فوج نے غزہ میں اسپتالوں اور طبی مراکز پر بے رحمانہ حملے کیے ہیں، گزشتہ ہفتے صرف غزہ میں 10 اسپتالوں کو نشانہ بنایا گیا، جب کہ عالمی ادارہ صحت کے مطابق، حملوں کی تعداد 28 رہی۔

الجزیرہ نیوز چینل کی رپورٹ کے مطابق عبرانی زبان کے اخبار نے اعتراف کیا ہے کہ اسرائیلی فوج کی طرف سے غزہ کی پٹی میں واقع طبی مراکز پر بے رحم اور وسیع پیمانے پر حملے کیے جا رہے ہیں۔

یہ بھی پڑھیں: صہیونی فوج کا غزہ کے اسپتالوں پر بمباری سلسلہ جاری

رپورٹ کے مطابق صیہونی اخبار ہارٹیز  نے اس حقیقت کو تسلیم کیا ہے کہ اسرائیلی فوج نے غزہ کی پٹی کے طبی مراکز پر بے لگام بمباری کی ہے۔

رپورٹ کے مطابق، صرف گزشتہ ہفتے غزہ کی پٹی کے 10 اسپتال اور طبی مراکز صہیونی فوج کے حملوں کا نشانہ بنے اور انہیں تباہ کر دیا گیا۔

ہارٹیز  نے مزید لکھا کہ گزشتہ ہفتے خان یونس میں یورپی اسپتال پر ہونے والا وحشیانہ حملہ ان بے لگام حملوں کی ابتداء شمار کیا جاتا ہے۔

اخبار نے گیدعون کی گاڑیاں نامی فوجی آپریشن اور غزہ کے طبی مراکز پر حملوں میں شدت کا بھی ذکر کیا، عالمی ادارہ صحت نے بھی حالیہ ہفتے کے دوران غزہ کے اسپتالوں پر 28 حملوں کی تصدیق کی ہے۔

مزید پڑھیں: غزہ کے اسپتالوں میں طبی خدمات بند ہونے کا خطرہ

ہارٹیز  نے اعتراف کیا کہ اسرائیلی فوج مسلسل بے بنیاد دعوے کر رہی ہے کہ ان اسپتالوں کو مبینہ طور پر فوجی مقاصد کے لیے استعمال کیا جا رہا ہے۔