?️
اسلام آباد:(سچ خبریں) پی ٹی آئی رہنما شیریں مزاری کی گرفتاری سے متعلق کیس میں عدالت نے ریمارکس دیے کہ حکومت کی کوشش ہے کہ عدالتی رٹ کو شکست دی جائے، آئینی عدالت کے خلاف ایک مہم لانچ کردی گئی ہے۔
اسلام آبادہائی کورٹ کے جسٹس میاں گل حسن اورنگزیب نے شیریں مزاری کی گرفتاری کے خلاف فریقین کے خلاف توہین عدالت درخواست پر سماعت کی۔
عدالت نے استفسار کیا کہ کیا ڈاکٹر شیریں مزاری کو دوبارہ گرفتار کر لیا گیا ہے، جس پر وکیل نے بتایا کہ جی، انہیں دوبارہ گرفتار کرلیا گیا ہے۔
جسٹس میاں گل حسن اورنگزیب نے کہا کہ ان کیسز پر عدالت کو کچھ تحفظات ہیں، عدالت کی رٹ اس ملک کا وقار ہے، آئینی عدالت کے خلاف ایک مہم لانچ کی گئی ہے، ہم ججز ٹاک شو نہیں کرسکتے، وہاں بیٹھ کر بات نہیں کرسکتے۔
سماعت میں جسٹس میاں گل حسن اورنگزیب نے ریمارکس دیے کہ کیا وجہ ہے آئینی ادارے کے احکامات کو ہوا میں اڑایا جا رہا ہے۔
عدالت نے اٹارنی جنرل کو ہدایت کی یہ معاملہ ملک کے لیے اعلیٰ اتھارٹی کے سامنے رکھیں۔
اٹارنی جنرل نے کہا کہ یہ ملک آئین کے تحت ہی چلنا ہے، عدالتوں نے آئین کے تحت ہی اور آئین کے دائرے میں رہ کر کام کرنا ہے۔
جسٹس میاں گل حسن نے جذباتی ہوتے ہوئے ریمارکس دیے کہ یہ وقت گزر جائے گا لیکن اس کے اثرات برقرار رہیں گے، ہم یہاں خدمت کے لیے بیٹھے ہیں، حکومت کی کوشش ہے کہ عدالتی رٹ کو شکست دی جائے۔
انہوں نے کہا کہ ہم کہتے ہیں سولائیزڈ ملک ہے، کورٹ کے آرڈر کے ساتھ جو ہو رہا وہ یہ بات ثابت نہیں کرتا، جو پرتشدد واقعات ہوئے ان کو کوئی جسٹیفائی نہیں کرسکتا۔
ان کا مزید کہنا تھا کہ ہم جمہوریت میں رہ رہے ہیں، ہم اس مہم سے بھی واقف ہیں جو آئینی عدالتوں کے خلاف جاری ہے، جو بھی ہوا وہ پاکستان کے سیاہ باب کے طور پر یاد رکھا جائے گا۔
اس پر روسٹرم پر کھڑے وکلا بول پڑے اور کہا کہ ہم عدالت کے ساتھ ہیں۔
عدالت نے قرار دیا کہ پنجاب پولیس، ڈائریکٹ اسلام آباد سے کسی کو گرفتار نہیں کر سکتی، بادی النظر میں اسلام آباد پولیس خود کو اس معاملے سے الگ نہیں کر سکتی۔
جج نے استفسار کیا کہ عدالت نے گرفتاری سے روکا ہوا تھا تو کیا پنجاب پولیس کو اسلام آباد پولیس نے بلایا تھا؟
بعد ازاں اسلام آباد ہائی کورٹ نے توہین عدالت کے کیس میں آئی جی اسلام آباد کو نوٹس جاری کردیا۔
عدالتی حکم کے باوجود شیریں مزاری کو پنجاب پولیس کے حوالے کیوں کیا؟ اسلام آباد ہائی کورٹ نے پیر تک آئی جی اسلام آباد سے جواب طلب کرلیا۔
یاد رہے کہ چیئرمین پاکستان تحریک انصاف عمران خان کی گرفتاری کے بعد پی ٹی آئی کے متعدد رہنماؤں کو نقص امن کے خطرے کے پیشِ نظر حراست میں لے لیا گیا تھا جن میں شیریں مزاری بھی شامل تھیں۔
تاہم 16 مئی کو اسلام آباد ہائی کورٹ نے سابق وزیر انسانی حقوق و رہنما پاکستان تحریک انصاف شیریں مزاری کو فوری رہا کرنے کا حکم دیا تھا۔
بعد ازاں اسی رات ان کی بیٹی ایمان زینب مزاری نے بتایا کہ ان کی والدہ کو اڈیالہ جیل سے رہائی کے بعد دوبارہ گرفتار کرکے ڈپلومیٹک انکلیو منتقل کردیا گیا۔
اسلام آباد ہائی کورٹ نے اسد عمر کی تھری ایم پی او کے تحت گرفتاری اور مقدمات کی تفصیلات فراہمی کی درخواست پر رہنما پی ٹی آئی کے خلاف مقدمات کی تفصیلات طلب کرلیں۔
جسٹس میاں گل حسن اورنگزیب نے کیس کی سماعت کی جس میں بابر اعوان نے استدعا کی کہ اسد عمر کے خلاف کتنے مقدمات ہیں ان کی تفصیلات فراہم کی جائے۔
وکیل اسد عمر نے کہا کہ عدالت ہمارے کیسز پیر کو سماعت کے لیے مقرر کردے، جس پر جج نے دریافت کیا کہ کیا آپ ادھر اپنا ویک اینڈ انجوائے کرنا چاہتے ہیں ؟
جس پر کمرہ عدالت میں قہقے گونج اٹھے۔
بعد ازاں اسلام آباد ہائی کورٹ نے ہدایت کی کہ اسد عمر کے خلاف کتنے مقدمات درج ہیں پولیس تفصیلات فراہم کرے اور فریقین کو نوٹسز جاری کرتے ہوئے سماعت پیر تک ملتوی کردی۔
مشہور خبریں۔
جنگ کے بعد غزہ کی پٹی کے لیے ٹونی بلیئر کا منصوبہ
?️ 19 ستمبر 2025سچ خبریں: ٹونی بلیئر کے غزہ پٹی کے مستقبل کے لیے تجویز کردہ
ستمبر
پینٹاگون کا یوکرین کے ڈون باس علاقے میں روس کی پیشرفت کا اندازہ
?️ 27 مئی 2022سچ خبریں: سنہوا ویب سائٹ کے مطابق پینٹاگون کے نامعلوم اہلکار نے
مئی
کیا اسرائیل کو غزہ میں فتح ہوئی ہے؟صیہونی میڈیا کی زبانی
?️ 11 اپریل 2024سچ خبریں: ایک صہیونی اخبار نے اعتراف کیا کہ صہیونی غزہ میں
اپریل
روس ایک ماہ تک اقوام متحدہ کی سلامتی کونسل کا صدر منتخب
?️ 2 اپریل 2023سچ خبریں:روس اپریل میں ایک مہینے کے لیے اقوام متحدہ کی سلامتی
اپریل
ایف آئی اے نے علی ترین کو بھی شوکاز نوٹس جاری کر دیا
?️ 4 جولائی 2021اسلام آباد(سچ خبریں) ایف آئی اے نے حمزہ شہباز کے بعد تحریک انصاف
جولائی
پی ٹی آئی نے کوئی تحریک چلائی تو سختی سے روکا جائے گا۔ رانا ثناءاللہ
?️ 1 جولائی 2025اسلام آباد (سچ خبریں) مشیر وزیراعظم برائے سیاسی امور رانا ثناءاللہ نے
جولائی
صیہونی فوج کو کہاں سے زندہ واپس نہ آنے کا یقین ہے؟
?️ 16 اکتوبر 2023سچ خبریں: صیہونی حکومت کے ایک فوجی کمانڈر نے خبردار کیا ہے
اکتوبر
صیہونی فوج کی جنین میں غیر ملکی سفارتکاروں پر فائرنگ پر یورپی اور مغربی ممالک کا ردعمل
?️ 22 مئی 2025 سچ خبریں:صیہونی فوج کی جانب سے جنین میں غیر ملکی سفارتکاروں
مئی