شاپنگ مال سینٹورس میں آگ بھڑک اٹھی

?️

اسلام آباد: (سچ خبریں) وفاقی دارالحکومت اسلام آباد میں نجی شاپنگ مال سینٹورس میں آگ بھڑک اٹھی جہاں فائر بریگیڈ کی گاڑیاں آگ پر قابو پانے میں مصروف ہیں۔

اسلام آباد کے علاقے سیکٹر ایف ایٹ میں واقع سینٹورس مال میں رہائشی اپارٹمنٹ بھی موجود ہیں جہاں بڑی تعداد میں جڑواں شہروں کے لوگ شاپنگ کے لیے جاتے ہیں۔

امدادی ٹیموں کے آنے میں تاخیر کی وجہ سے آگ کی شدت میں اضافہ ہوگیا اور آگ سے دھوئیں کے بادل دور سے دیکھے جاسکتے ہیں جبکہ فوری طور پر آگ بھڑکنے کی وجہ سامنے نہیں آئی۔

دارالحکومت کی پولیس نے سماجی رابطے کی ویب سائٹ پر ٹوئٹ میں مال میں موجود تمام افراد کے بحفاظت انخلا سے آگاہ کرتے ہوئے کہا کہ ٹیم مال کے اندر سرچ آپریشن کر رہی ہے۔

آئی جی اسلام آباد پولیس ڈاکٹر اکبر ناصر خان، سینئر پولیس افسران اور انتظامی عہدیداران بھی جائے وقوع پر موجود ہیں۔

پولیس نے کہا کہ ریسکیو اور آگ بجھانے کے لیے ہیلی کاپٹر کو بھی طلب کیا جارہا ہے۔

انہوں نے کہا کہ مال کے اندر آگ پر قابو پالیا گیا ہے اور کسی بھی دکان کو نقصان نہیں پہنچا البتہ مال کے بیرونی حصہ میں ہلکی آگ موجود ہے جسے بجھایا جارہا ہے۔

دریں اثنا پاک بحریہ کے ترجمان نے کہا کہ ادارہ آگ بجھانے کی کوششوں میں بھی مدد کر رہا ہے، انہوں نے مزید کہا کہ بحریہ کی ایک ٹیم اور تین فائر ٹینڈرز زیر استعمال ہیں۔

وزیر اعظم شہباز شریف نے اسلام آباد کے سینٹورس مال میں آتشزدگی کا نوٹس لیتے ہوئے وفاقی دارالحکومت کے متعلقہ اداروں اور حکام کو فوری کارروائی کی ہدایت کی ہے۔

ٹوئٹر پر اپنے بیان میں انہوں نے کہا کہ بہت افسوس ہے کہ اس معروف کاروباری مرکز میں یہ واقعہ رونما ہوا ہے، دعا ہے کہ کوئی جانی نقصان نہ ہوا ہو جبکہ متاثرین کے مالی نقصانات پر افسوس اور ہمدردی ہے۔

مشہور خبریں۔

گزشتہ 24 گھنٹوں میں یروشلم اور مغربی کنارے میں 28 استقامتی کارروائیاں

?️ 4 مارچ 2023فلسطینی مرکز موطی نے ایک رپورٹ شائع کرتے ہوئے اعلان کیا ہے

سعودی حکومت یمن کے بحران سے نکلنے کے راستے کی تلاش میں

?️ 9 دسمبر 2021سچ خبریں:ماہرین اور مبصرین کا خیال ہے کہ یمنی فورسز کی "7

بیلا حدید کا فلسطینیوں کی حفاظت اور حمایت جاری رکھنے کا فیصلہ

?️ 16 مئی 2021نیویارک(سچ خبریں)فلسطینی نژاد امریکی ماڈل بیلا حدید نےفلسطینیوں کی حفاظت اور حمایت

کشمیریوں کے خلاف بھارتی بربریت عالمی برادری کے لیے چیلنج

?️ 26 ستمبر 2023سچ خبریں: غیر قانونی طور پر بھارت کے زیر قبضہ جموں و

مولانا فضل الرحمن کے غیر فعال مجلس عمل کے رہنماؤں سے رابطے

?️ 22 جولائی 2025اسلام آباد (سچ خبریں) جمعیت علمائے اسلام ف کے سربراہ مولانا فضل

ماہ رمضان میں بازار ہوں گے بند

?️ 14 اپریل 2021اسلام آباد(سچ خبریں) نیشنل کمانڈ اینڈ آپریشن سینٹر (این سی او سی)

افغانستان سے لائے غیر ملکی اسلحے کے پاکستان میں استعمال کے مزید ثبوت منظر عام پر آگئے

?️ 31 دسمبر 2023اسلام آباد: (سچ خبریں) پاکستان میں افغانستان سے لائے غیر ملکی اسلحے

گمراہ بشار، اسرائیل کی عدم موجودگی، ایران پر حملہ

?️ 23 جنوری 2025سچ خبریں: محمد الجولانی؛ القاعدہ اور نصرہ فرنٹ کا ایک سابق رکن،

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے