ذخیرہ اندوزوں کی وجہ سے کھاد کی قیمتیں بڑھیں، مافیاز کےخلاف کارروائی کی ہدایت کی ہے، سرفراز بگٹی

?️

اسلام آباد: (سچ خبریں) نگران وفاقی وزیر داخلہ سرفراز بگٹی نے کہا ہے کہ کھاد کی قیمتوں میں اضافہ اور خود ساختہ کمی ذخیرہ اندوزوں کی وجہ سے ہوئی ہے، یوریا کھاد کے حوالے سے مصنوعی بحران پیدا کیا جارہا ہے، اس کے سد باب میں تمام چیف سیکریٹریز اور آئی جیز کو ان مافیاز کے خلاف کارروائی کرنے کے لیے انہیں 24 گھنٹے کا وقت دیا گیا ہے۔

اسلام آباد میں دیگر نگران وفاقی وزرا کے ساتھ پریس کانفرنس میں بات کرتے ہوئے سرفراز بگٹی کا کہنا تھا کہ کھاد کی کمی اور قیمتوں میں اضافے پر وزیر اعظم نے نوٹس لیا اور اس پر اجلاس ہوا اور رات تک ہم اس پر مشاورت کرتے رہے تو نتیجہ یہ سامنے آیا کہ ملک میں کھاد کی کوئی کمی نہیں ہے، کبھی کبھی ہی ایسا ہوتا کہ کسی ٹیکنیکل فالٹ یا گیس کے مسئلے کی وجہ سے پیداوار متاثر ہوجاتی ہے۔

ان کا کہنا تھا کہ ہم نے ذخیرہ اندوزوں کے خلاف کارروائی کی تو اس وقت یہ چیز ٹھیک ہوگئی تھی، مگر ایک بار پھر اس مافیا نے پاکستانیوں کو تکلیف پہنچانے کے لیے دوبارہ سے کھاد کی ذخیرہ اندوزی شروع کردی ہے، کھاد کو اپنے گوداموں میں رکھنا شروع کردیا ہے، جس سے کھاد میں کمی ہو گئی اور اس کی قیمتوں میں اضافہ ہوگیا، یوریا کھاد کے حوالے سے مصنوعی بحران پیدا کیا جارہا ہے۔

ان کا کہنا تھا کہ اس کے سد باب میں تمام چیف سیکریٹریز اور آئی جیز کو اقدامات لینے کا کہا گیا ہے اور ان مافیاز کے خلاف کارروائی کرنے کے لیے انہیں 24 گھنٹے کا وقت دیا گیا ہے، وزیر اعظم نے یہ ہدایات دی ہیں کہ ان ذخیرہ اندوزوں کے خلاف کسی قسم کی رعایت نہیں برتی جائے گی، ان کو قانون کے مطابق سزائیں دلوائی جائیں گی اور ان کو کیفر کردار تک پہنچائیں گے۔

ان کا کہنا تھا کہ ذخیرہ اندوزی کرنے والے لوگ ہم میں سے ہی ہیں اور ان کو اندازہ نہیں ہےکہ وہ صرف اپنے فائدے کے لیے اپنے ساتھی بھائیوں کو کتنا نقصان پہنچاتے ہیں ،ہم نے بہت سے لوگ پکڑے، ان کو عدالتوں میں لے کر گئے، سزا دلوائی مگر پھر سے یہ سلسلہ شروع ہوگیا ہے، یہ صرف ایک مافیا نہیں ہے، اس میں دکاندار، ڈیلرز وغیرہ سب ہی شامل ہیں۔

سرفراز بگٹی نے کہا کہ ہم کھاد لوگوں کے گھروں تک پہنچائیں گے، کھاد پر سبسڈی حکومت عوام کے لیے دے رہی ہے مڈل مین کی کمائی کے لیے نہیں، ہم بطور ٹیم کام کریں گے، ہم ایک محدود وقت کے لیے ایک محدود مینڈیٹ کے لیے آئے ہیں مگر ہم اپنے پاکستانی بھائیوں کی فلاح کو یقینی بنانے کی پوری کوشش کریں گے اور ایسے فیصلے لیں گے جو پاکستان اور پاکستانیوں کے لیے بہترین ہوں۔

نگران وزیر توانائی محمد علی کا کہنا تھا کہ ہمارے ملک میں کھاد کے جتنے بھی پلانٹس ہیں ان میں سے چند پلانٹس کو ماضی میں ہمیں سردیوں میں بند کرنا پڑا مگر اس سال ہم نے فیصلہ کیا ہے کہ کوئی بھی پلانٹ بند نہیں ہوگا، تمام پلانٹس اپنی پوری صلاحیت پر کام کریں گے، اس سے ملک میں لوکل پیداوار کافی زیادہ ہوجائے گی، ہمارے کیے گئے فیصلوں سے صورتحال بہتر ہوجائے گی، یوریا کی پیداوار کو زیادہ سے زیادہ بڑھایا جائے گا۔

اٹک ریفائنری کے معاملے پر سوال کا جواب دیتے ہوئے علی محمد نے بتایا کہ اوگرا آج ان کے ساتھ اجلاس کرے گا، اس کی سپلائی میں بہت سے عوامل شامل ہیں اور اس مسئلے کا جلد ہی حل نکلے گا۔

نادرا میں لیفٹینینٹ جنرل کی تعیناتی پر تنقید کے حوالے سے بات کرتے ہوئے سرفراز بگٹی نے کہا کہ نادرا ایک سیکیورٹی کا ادارہ ہے، نادرا میں ان کی تعیناتی کا مقصد یہ ہےکہ جس کی بھی تقرری ہو، ان کو ڈیجیٹلائزیشن کا تجربہ ہو اور سیکیورٹی کا تجربہ ہو تو اس لیے ان کو لگایا گیا، انہوں نے اب ایک سخت قسم کا نظام متعارف کروایا ہے، شناخت کی چوری ایک بہت بڑا جرم ہے تو اس کو روکنے کے لیے ہم اپنی کوشش کر رہے ہیں، نادرا کوشش کر رہی ہے کہ وہ لوگ جو کسی کی شناخت چرا کر ہمارے سسٹم میں آئیں ہیں، ان کو ان کے ملکوں میں واپس بھیجا جائے۔

مشہور خبریں۔

مغربی اور یورپی ممالک کا فلسطینوں کے خلاف نیا ہتھکنڈا

?️ 28 جنوری 2024سچ خبریں: مغربی اور یورپی ممالک کی جانب سے UNRWA کو مالی

ایران امریکہ مذاکرات کے بارے میں ٹرمپ کا دعویٰ

?️ 15 مئی 2025 سچ خبریں:امریکی صدر ڈونلڈ ٹرمپ نے دعویٰ کیا ہے کہ ایران

کورونا : ملک بھر میں  کیسز میں تیزی سے اضافہ

?️ 8 جنوری 2022اسلام آباد(سچ خبریں)عالمی وباء کورونا وائرس کی نئی قسم اومی کرون کا

آزاد کشمیر سپریم کورٹ نے متنازع آرڈیننس معطل کردیا

?️ 4 دسمبر 2024 مظفر آباد: (سچ خبریں) سپریم کورٹ آف آزاد جموں و کشمیر

ان دنوں ایران کے مہمان شیخ زکزاکی کون ہیں؟

?️ 15 اکتوبر 2023 سچ خبریں: یہ سب ایک دورے سے شروع ہوا، جب انہوں

75,000 امریکی ہیلتھ ورکرز کی ہڑتال، وجہ ؟

?️ 5 اکتوبر 2023سچ خبریں:پانچ امریکی ریاستوں میں 75,000 ہیلتھ کیئر ورکرز  نے تنخواہوں میں

پاکستان نے اپنے دفاع کا حق درست استعمال کیا، بلاول بھٹو زرداری

?️ 19 جنوری 2024اسلام آباد: (سچ خبریں) چیئرمین پاکستان پیپلز پارٹی بلاول بھٹو زرادری نے

حکومت کیخلاف مشترکہ احتجاج کے معاملے پر پی ٹی آئی سے تحریری یقین دہانی چاہتے ہیں، کامران مرتضیٰ

?️ 30 مارچ 2025 اسلام آباد: (سچ خبریں) جمعیت علمائے اسلام (ف) کے سینیٹر کامران

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے