آصف زرداری سے شہباز شریف کی ملاقات، ملکی سیاسی، سکیورٹی صورتحال پر گفتگو

?️ 11 نومبر 2025

اسلام آباد (سچ خبریں) صدرِ مملکت آصف علی زرداری سے وزیراعظم محمد شہباز شریف کی ایوانِ صدر میں ملاقات ہوئی جس میں ملک کی مجموعی سیاسی اور سیکیورٹی صورتحال پر تبادلہ خیال کیا گیا۔

صدرِ مملکت اور وزیراعظم نے دہشت گردی کے حالیہ واقعات کی شدید مذمت کی، دونوں قائدین نے اس عزم کا اعادہ کہ غیر ملکی پشت پناہی یافتہ دہشت گردوں اور اُن کے سہولت کاروں کے خلاف کارروائیاں دہشت گردی کے مکمل خاتمے تک جاری رہیں گی۔

ملاقات میں چیئرمین سینیٹ سید یوسف رضا گیلانی، سپیکر قومی اسمبلی سردار ایاز صادق، وفاقی وزراء سید محسن رضا نقوی، چودھری سالک حسین، اعظم نذیر تارڑ، خالد حسین مگسی اور عبدالعلیم خان بھی موجود تھے۔

عشائیہ میں بلاول بھٹو زرداری اور ڈپٹی وزیراعظم اسحاق ڈار بھی موجود تھے، وزیراعظم پاکستان شہباز شریف عشائیہ میں شرکت کے بعد ایوان صدر سے روانہ ہو گئے۔ عشائیہ میں شریک ایم کیو ایم وفد سمیت ایم کیو ایم کے وزرا بھی واپس روانہ ہوگئے۔