وینزویلا کا تیل اسرائیل بھیجا گیا 

وینزویلا کا تیل اسرائیل بھیجا گیا

رپورٹ کے مطابق یہ تیل اسرائیل کی ریفائننگ کمپنی بازان گروپ کو فراہم کیا گیا ہے۔ ذرائع نے نام ظاہر نہ کرنے کی شرط پر بتایا کہ اسرائیل عام طور پر اپنے درآمدی تیل کے ذرائع کو عوامی طور پر ظاہر نہیں کرتا، جبکہ اسرائیلی بندرگاہوں کے قریب پہنچنے پر اکثر تیل بردار جہاز اپنے ڈیجیٹل ٹریکنگ سسٹم بند کر دیتے ہیں۔

توانائی کے شعبے کی ڈیٹا کمپنی کیپلر کے مطابق، یہ 2020 کے وسط کے بعد پہلا موقع ہے کہ وینزویلا سے اسرائیل کو تیل برآمد کیا گیا ہے۔ اس سے قبل اسرائیل تقریباً 4 لاکھ 70 ہزار بیرل وینزویلا کا تیل حاصل کر چکا تھا۔

واضح رہے کہ اس کے بعد امریکہ نے سابق صدر ڈونلڈ ٹرمپ کے دور میں وینزویلا کے صدر نکولس مادورو کے خلاف اقدامات کرتے ہوئے وینزویلا کی تیل فروخت پر کنٹرول حاصل کرنے کا اعلان کیا تھا۔

رپورٹ میں مزید بتایا گیا ہے کہ حالیہ ایک ماہ کے دوران وینزویلا نے بھارت، اسپین اور امریکہ کو بھی تیل فروخت کیا ہے، جبکہ اس سے پہلے وینزویلا کے تیل کا بڑا حصہ چین کو برآمد کیا جاتا تھا۔