آرمی چیف جنرل عاصم منیر سے برطانوی ہم منصب کی ملاقات، دہشت گردی کے خلاف قربانیوں کا اعتراف

🗓️

اسلام آباد:(سچ خبریں) برطانیہ کے چیف آف جنرل اسٹاف (سی جی ایس) جنرل سر نیکولس پیٹرک کارٹر نے چیف آف آرمی اسٹاف جنرل عاصم منیر سے ملاقات میں دہشت گردی کے خلاف پاک فوج کی قربانیوں کا اعتراف کیا۔

پاک فوج کے شعبہ تعلقات عامہ (آئی ایس پی آر) سے جاری بیان کے مطابق برطانوی فوج کے سربراہ جنرل سر نیکولس پیٹرک کارٹر سینڈرز نے آرمی چیف جنرل عاصم منیر سے آج جنرل ہیڈ کوارٹرز (جی ایچ کیو) راولپنڈی میں ملاقات کی۔

بیان میں کہا گیا کہ ’جی ایچ کیو آمد پر برطانوی آرمی چیف نے یادگار شہدا پر پھول چڑھائے اور پاک فوج کے دستے نے گارڈ آف آنر پیش کیا‘۔

آئی ایس پی آر نے بتایا کہ ملاقات کے دوران علاقائی سیکیورٹی کے مسائل اور دو طرفہ دلچسپی کے امور پر تبادلہ خیال کیا گیا۔

آئی ایس پی آر کا کہنا تھا کہ ’دورے پر آئے ہوئے مہمانوں نے دہشت گردی کے خلاف جنگ اور خطے میں امن اور استحکام لانے کے لیے پاک فوج کی کوششوں کو سراہا‘۔

بیان میں کہا گیا کہ جنرل سر پیٹرک سینڈرز نے اس سے قبل چیئرمین جوائنٹ چیفس آف اسٹاف کمیٹی جنرل ساحر شمشاد مرزا سے جوائنٹ اسٹاف ہیڈکوارٹرز راولپنڈی میں ملاقات کی۔

برطانوی آرمی چیف 5 روزہ دفاعی امور کے حوالے سے دورے پر پیر کو پاکستان پہنچے تھے۔

آئی ایس پی آر نے رواں ہفتے کے آغاز میں بیان میں کہا تھا کہ جنرل سر پیٹرک سینڈرز پاکستان میں تباہ کن زلزلے کے ایک سال بعد دورے پر آئے ہوئے ہیں جہاں ملک کی ایک تہائی آبادی متاثر ہوئی تھی اور 3 کروڑ 30 لاکھ سے زائد شہری متاثرین میں شامل تھے۔

بیان میں کہا گیا تھا کہ برطانیہ کی وزارت دفاع سیلاب متاثرین کے لیے امدادی کاموں میں براہ راست شامل تھی اور اس کے لیے متاثرین کو منتقل کرنے کے لیے 8 کشتیاں اور 10 جنریٹرز پاک فوج کے چیف کی درخواست پر فراہم کیے گئے تھے۔

آئی ایس پی آر نے برطانوی آرمی چیف کے دورے سے متعلق کہا تھا کہ اس دوران موسمیاتی تبدیلی سے متعلق مسائل سے نمٹنے کے لیے دو طرفہ فوجی تعاون پر تبادلہ خیال توجہ کا باعث ہوگا۔

یاد رہے کہ آرمی چیف جنرل عاصم منیر نے رواں برس 5 سے 9 فروری کے درمیان دفاعی معاملات سے متعلق اجلاس میں شرکت کے لیے برطانیہ کا 5 روزہ دورہ کیا تھا۔

ڈان اخبار کی رپورٹ میں اس حوالے سے بتایا گیا تھا کہ جنرل عاصم منیر ولٹن پارک میں ہونے والی ایک کانفرنس میں شرکت کے لیے لندن گئے ہیں، یہ ایک ایگزیکٹو ایجنسی ہے جسے یوکے فارن کامن ویلتھ اینڈ ڈیولپمنٹ آفس نے حکومتوں کے درمیان اوپن بات چیت کے فروغ کے لیے تشکیل دیا ہے۔

مشہور خبریں۔

کیا عرب ممالک ایران کے خلاف دوبارہ تل ابیب کی مدد کریں گے؟

🗓️ 7 اگست 2024سچ خبریں: امریکی اشاعت پولیٹیکو نے اعتراف کیا ہے کہ صیہونی حکومت

اسپیکر نے معطل ارکان کی رکنیت بحال کرنے کی یقین دہانی کروائی ہے، شیر افضل مروت

🗓️ 19 اپریل 2024اسلام آباد: (سچ خبریں) پاکستان تحریک انصاف کے رہنما شیر افضل مروت

خاتون جج دھمکی کیس: عمران خان کے ناقابل ضمانت وارنٹ گرفتاری جاری

🗓️ 29 مارچ 2023اسلام آباد:(سچ خبریں) اسلام آباد کی مقامی عدالت نے پاکستان تحریک انصاف

غزہ میں نسل کشی کے لیے اسرائیل کے منصوبے بے نقاب 

🗓️ 23 دسمبر 2023سچ خبریں:ٹائمز کی تحقیقات اور دستیاب تصاویر اور دستاویزات سے یہ بات

ایران فلسطین کا سب سے وفادار ملک ہے: عبدالسلام

🗓️ 14 فروری 2025 سچ خبریں: صنعا میں انصار اللہ تحریک کے ترجمان اور یمن کی

لاہور: طالبہ کے مبینہ ریپ کے خلاف احتجاج، جلاؤ گھیراؤ اور جھڑپوں میں متعدد طلبہ زخمی

🗓️ 14 اکتوبر 2024لاہور: (سچ خبریں) لاہور میں نجی کالج کی طالبہ سے مبینہ زیادتی

عدت نکاح کیس: عمران خان، بشریٰ بی بی کی سزا کے خلاف اپیلوں پر سماعت

🗓️ 20 مارچ 2024اسلام آباد: (سچ خبریں) ڈسٹرکٹ اینڈ سیشن کورٹس اسلام آباد میں بانی

وینزویلا کا تیل خریدنے والے ممالک کو 25 فیصد ٹیکس دینا ہوگا:ٹرمپ  

🗓️ 25 مارچ 2025 سچ خبریں:امریکہ نے وینزویلا کے تیل و گیس خریداروں پر سخت

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے