?️
اسلام آباد:(سچ خبریں) برطانیہ کے چیف آف جنرل اسٹاف (سی جی ایس) جنرل سر نیکولس پیٹرک کارٹر نے چیف آف آرمی اسٹاف جنرل عاصم منیر سے ملاقات میں دہشت گردی کے خلاف پاک فوج کی قربانیوں کا اعتراف کیا۔
پاک فوج کے شعبہ تعلقات عامہ (آئی ایس پی آر) سے جاری بیان کے مطابق برطانوی فوج کے سربراہ جنرل سر نیکولس پیٹرک کارٹر سینڈرز نے آرمی چیف جنرل عاصم منیر سے آج جنرل ہیڈ کوارٹرز (جی ایچ کیو) راولپنڈی میں ملاقات کی۔
بیان میں کہا گیا کہ ’جی ایچ کیو آمد پر برطانوی آرمی چیف نے یادگار شہدا پر پھول چڑھائے اور پاک فوج کے دستے نے گارڈ آف آنر پیش کیا‘۔
آئی ایس پی آر نے بتایا کہ ملاقات کے دوران علاقائی سیکیورٹی کے مسائل اور دو طرفہ دلچسپی کے امور پر تبادلہ خیال کیا گیا۔
آئی ایس پی آر کا کہنا تھا کہ ’دورے پر آئے ہوئے مہمانوں نے دہشت گردی کے خلاف جنگ اور خطے میں امن اور استحکام لانے کے لیے پاک فوج کی کوششوں کو سراہا‘۔
بیان میں کہا گیا کہ جنرل سر پیٹرک سینڈرز نے اس سے قبل چیئرمین جوائنٹ چیفس آف اسٹاف کمیٹی جنرل ساحر شمشاد مرزا سے جوائنٹ اسٹاف ہیڈکوارٹرز راولپنڈی میں ملاقات کی۔
برطانوی آرمی چیف 5 روزہ دفاعی امور کے حوالے سے دورے پر پیر کو پاکستان پہنچے تھے۔
آئی ایس پی آر نے رواں ہفتے کے آغاز میں بیان میں کہا تھا کہ جنرل سر پیٹرک سینڈرز پاکستان میں تباہ کن زلزلے کے ایک سال بعد دورے پر آئے ہوئے ہیں جہاں ملک کی ایک تہائی آبادی متاثر ہوئی تھی اور 3 کروڑ 30 لاکھ سے زائد شہری متاثرین میں شامل تھے۔
بیان میں کہا گیا تھا کہ برطانیہ کی وزارت دفاع سیلاب متاثرین کے لیے امدادی کاموں میں براہ راست شامل تھی اور اس کے لیے متاثرین کو منتقل کرنے کے لیے 8 کشتیاں اور 10 جنریٹرز پاک فوج کے چیف کی درخواست پر فراہم کیے گئے تھے۔
آئی ایس پی آر نے برطانوی آرمی چیف کے دورے سے متعلق کہا تھا کہ اس دوران موسمیاتی تبدیلی سے متعلق مسائل سے نمٹنے کے لیے دو طرفہ فوجی تعاون پر تبادلہ خیال توجہ کا باعث ہوگا۔
یاد رہے کہ آرمی چیف جنرل عاصم منیر نے رواں برس 5 سے 9 فروری کے درمیان دفاعی معاملات سے متعلق اجلاس میں شرکت کے لیے برطانیہ کا 5 روزہ دورہ کیا تھا۔
ڈان اخبار کی رپورٹ میں اس حوالے سے بتایا گیا تھا کہ جنرل عاصم منیر ولٹن پارک میں ہونے والی ایک کانفرنس میں شرکت کے لیے لندن گئے ہیں، یہ ایک ایگزیکٹو ایجنسی ہے جسے یوکے فارن کامن ویلتھ اینڈ ڈیولپمنٹ آفس نے حکومتوں کے درمیان اوپن بات چیت کے فروغ کے لیے تشکیل دیا ہے۔
مشہور خبریں۔
عدلیہ کو تباہ کرنے کی کوشش کی گئی تو سڑکوں پر احتجاج کریں گے، عمران خان
?️ 4 ستمبر 2024راولپنڈی: (سچ خبریں) پاکستان تحریک انصاف کے بانی وسابق وزیراعظم عمران خان
ستمبر
غزہ جنگ بندی کے بارے میں ہونے والے مذاکرات کی تازہ ترین صورتحال
?️ 29 فروری 2024سچ خبریں: صہیونی آرمی ریڈیو نے رپورٹ دی ہے کہ قطر میں
فروری
کرسیاں مارنا، مائیک اکھاڑنا، لڑنا جھگڑنا احتجاج نہیں۔ اعظم نذیر تارڑ
?️ 7 جولائی 2025لاہور (سچ خبریں) وفاقی وزیر قانون و انسانی حقوق سینیٹر اعظم نذیر
جولائی
امریکہ نے اربیل میں موساد کے مرکز کو نشانہ بنائے جانے کا اعتراف کیا
?️ 15 مارچ 2022سچ خبریں: واشنگٹن پوسٹ کے لیوس لیولاک اور ایلکس ہارٹن نے اربیل
مارچ
کرد ترکی کے ساتھ تعلقات میں ثالثی کے لیے فرانس کا محتاج
?️ 9 جنوری 2025سچ خبریں: ایک نامعلوم شامی کرد اہلکار نے مزید کہا کہ ہم
جنوری
یوکرین پر حملہ روس کی بہت بڑی غلطی
?️ 25 نومبر 2021سچ خبریں: برطانوی وزیر خارجہ لز ٹیرس نے یوکرین پر روسی حملے
نومبر
برطانوی وزیراعظم نے اپنی چھٹیوں کا شیڈول منسوخ کیا ؛ وجہ؟
?️ 11 اگست 2024سچ خبریں: مسلمانوں اور تارکین وطن کے خلاف انتہائی دائیں بازو کے
اگست
مسئلہ کشمیر پر عمران خان کا دلیرانہ بیان، کشمیری عوام نے خیرمقدم کرتے ہوئے شکریہ ادا کیا
?️ 1 جون 2021سرینگر (سچ خبریں) مقبوضہ کشمیر کی عوام نے وزیر اعظم عمران خان
جون