آئی جی پنجاب کے ترجمان کو تبدیل کر دیا گیا

?️ 5 نومبر 2021

لاہور(سچ خبریں) آئی جی پنجاب کے تبادلے کی خبریں چلانے کے الزام پر ترجمان آئی جی پنجاب کو عہدے سے ہٹا دیا گیا ہے۔وزیر اعلیٰ پنجاب عثمان بزدار نے نایاب حیدر کو معطل کرنے کی منظوری دی۔سوشل میڈیا پر آئی جی پنجاب کے تبادلے کی خبریں زیر گردش رہیں۔دوسری جانب پنجاب پولیس میں اعلیٰ عہدوں پر تقررو تبادلے کردیے گئے، سی سی پی او لاہور کو ایک بار پھر تبدیل کردیا گیا، سی سی پی او لاہور غلام محمود ڈوگر کی جگہ فیاض احمد دیو کو سی سی پی او لاہور تعینات کردیا گیا۔

پنجاب پولیس میں اعلیٰ عہدوں پر تقرر و تبادلوں کے نوٹیفکیشن کے مطابق سی سی پی اولاہورغلام محمود ڈوگر کی جگہ فیاض احمد دیو کو نیا سی سی پی او لاہور تعینات کر دیا گیا ہے۔ جبکہ غلام محمود ڈوگر کو ایڈیشنل آئی جی لاجسٹک اور شاہد حنیف کو ایڈیشنل آئی جی پٹرولنگ تعینات کر دیا گیا ہے۔

احسن یونس ڈی آئی جی آپریشنز لاہور، شہزادہ سلطان کو ڈی آئی جی انویسٹی گیشن لاہور جبکہ ڈی آئی جی انویسٹی گیشن لاہور شارق جمال کو اوایس ڈی بنا دیا گیا ہے۔ اسی طرح آر پی او بہاولپورمحمد زبیر دریشک کو ڈی آئی جی ہیڈکوارٹر تعینات کردیا گیا ہے۔ اسی طرح اشفاق احمد خان آر پی او راولپنڈی، بلال ظفر شیخ ڈی پی او حافظ آباد تعینات کردیا گیا، جبکہ ڈی پی اوحافظ آباد محمد معصوم کو سنٹرل پولیس آفس رپورٹ کرنے کے احکامات جاری، کیپٹن ر بلال افتخار کو ڈی پی او چینیوٹ، ڈی پی او سیالکوٹ عاطف نزیر کو سنٹرل پولیس آفس رپورٹ کرنے کے احکامات جاری، عمر سعید ملک کو ڈی پی او سیالکوٹ تعینات کر دیا گیا، ایس ایس پی آپریشنز لاہور اسماعیل الرحمان کھاڑک کو بھی تبدیل کر دیا گیا، اسماعیل الرحمان کھاڑک کو ڈی پی او میانوالی، مستنصر فیروز کو ایس ایس پی آپریشنز لاہور تعینات کر دیا گیا ۔