لبنانی عوام کے بارے یورپی یونین کا عوام فریبانہ بیان

?️ 1 اکتوبر 2024

سچ خبریں: یورپی یونین کی خارجہ پالیسی کے سربراہ نے امریکی قیادت میں مغربی ممالک کی جانب سے اسرائیل کو دی جانے والی مکمل اور مسلسل فوجی امداد کا ذکر کیے بغیر کہا کہ ہمیں بیروت پر اسرائیلی حملوں کے نتیجے میں ہونے والی ہلاکتوں کی تعداد کو نظر انداز نہیں کرنا چاہیے!

الجزیرہ نیوز ایجنسی کی رپورٹ کے مطابق یورپی یونین کی خارجہ پالیسی کے سربراہ جوزف بورلنے اسرائیل کی جانب سے غزہ اور لبنان پر کیے جانے والے حملوں کے حوالے سے امریکہ کی قیادت میں مغربی بلاک کی طرف سے دی جانے والی فوجی مدد کا ذکر کیے بغیر ایک عوام فریبانہ بیان میں دعویٰ کیا کہ یورپی یونین کو لبنان کو ایک ملک کے طور پر محفوظ رکھنے اور اس کے اداروں کو تباہی سے بچانے کی کوشش کرنی چاہیے!

یہ بھی پڑھیں: کیا لبنان اسرائیل کے ساتھ براہ راست جنگ کرنے کو تیار ہے؟

بورل نے مزید کہا کہ یورپی یونین فوری جنگ بندی کے لیے سفارتی حل کی راہ ہموار کرنے کی کوششیں جاری رکھے گی۔

انہوں نے کہا کہ بیروت پر حملے بہت پریشان کن ہیں اور ہمیں ان حملوں میں ہونے والی ہلاکتوں کی بڑی تعداد کو نظر انداز نہیں کرنا چاہیے۔

انہوں نے یہ بھی دعویٰ کیا کہ اسرائیل کو اپنے دفاع میں بین الاقوامی قوانین کے مطابق عمل کرنا چاہیے۔

کچھ امریکی میڈیا اداروں کا دعویٰ ہے کہ اسرائیل نے ایک محدود زمینی آپریشن کی تفصیلات امریکہ کے ساتھ شیئر کی ہیں، جو ممکنہ طور پر جلد لبنان میں شروع کیا جا سکتا ہے۔

مزید پڑھیں: اسرائیل زمینی حملے کے لیے اچھی پوزیشن میں نہیں

واشنگٹن پوسٹ نے ایک امریکی اہلکار کے حوالے سے رپورٹ دی ہے کہ اسرائیل لبنان میں ایک محدود زمینی آپریشن کی منصوبہ بندی کر رہا ہے جو ممکنہ طور پر جلد شروع کیا جائے گا۔