کیا نواز شریف پر بیرون ملک جانے پر پابندی ہے؟

7 اگست 2024

سچ خبریں: مسلم لیگ ن کے رہنما طارق فضل چوہدری نے کہا ہے کہ نواز شریف پر ملک سے باہر جانے پر کوئی پابندی نہیں ہے۔

یہ افواہیں پھیلائی جا رہی ہیں، لیکن حقیقت میں ایسی کوئی پابندی عائد نہیں کی گئی۔

یہ بھی پڑھیں:وفاقی حکومت نے بیرونِ ملک دوروں کیلئے پالیسی تیار کرلی

اسلام آباد میں میڈیا سے گفتگو کرتے ہوئے طارق فضل چوہدری نے کہا کہ اپوزیشن کے کچھ افراد بنگلادیش کی صورتحال پر بات کر رہے ہیں۔

دو ہزار اٹھارہ کے بعد تحریک انصاف نے سیاست کو تقسیم در تقسیم کیا، اور سیاست میں انتشار اور نفرت کی لہر کو گلی محلے کی سطح تک پہنچا دیا۔

انہوں نے کہا کہ مسلم لیگ ن کی حکومت ماضی میں بھی اور آج بھی کارکردگی کی سیاست پر یقین رکھتی ہے۔

ہم اتحادیوں کو ساتھ لے کر چل رہے ہیں،احتجاج تمام جماعتوں کا حق ہے، لیکن وہ احتجاج پر امن ہونا چاہیے۔ شہربند کرنا، پولیس کی گاڑیاں جلانا، اور اداروں پر حملے کرنا احتجاج نہیں ہے۔ کاروبار زندگی معطل کرنا کوئی مناسب احتجاج نہیں ہوتا۔

مزید پڑھیں: نواز شریف کی سزا کےخلاف اپیل بحالی کی درخواستیں اسلام آباد ہائیکورٹ میں دائر

طارق فضل چوہدری کا کہنا تھا کہ ہم نے ریاست کو بچانے کے لیے اپنی سیاست کو قربان کیا ہے۔

پاکستانی افواج کی ملک کے لیے قربانیاں ہیں، اور ان کا دہشت گردی اور ملکی سلامتی کے حوالے سے اہم کردار رہا ہے۔