عزم استحکام آپریشن کے بارے میں اسد قیصر کا بیان

🗓️ 27 جون 2024

سچ خبریں: رہنما پی ٹی آئی اور سابق اسپیکر قومی اسمبلی اسد قیصر نے کہا ہے کہ پی ٹی آئی کی مولانا فضل الرحمان سے بات چیت جاری ہے اور اس وقت عزمِ استحکام آپریشن کے حوالے سے اپنے مؤقف کو آگے بڑھا رہے ہیں۔

یہ بات اسد قیصر نے پشاور سے ’جیو نیوز‘ کے ساتھ گفتگو کرتے ہوئے کہی۔

یہ بھی پڑھیں: آپریشن عزم استحکام کی مخالفت کیوں؟

انہوں نے کہا کہ پارلیمنٹ کے اندر اور باہر بھی مشترکہ لائحہ عمل تیار کریں گے، اور مذاکرات سے متعلق کمیٹی کی میٹنگز کے بعد پیش رفت سے آگاہ کریں گے۔

اسد قیصر نے ن لیگی رہنما رانا ثناء اللہ کو تنقید کا نشانہ بناتے ہوئے کہا کہ رانا ثناء اللہ غیر ذمے دارانہ نقطہ نظر رکھتے ہیں۔

انہوں نے بانی پی ٹی آئی کے بارے میں رانا ثناء اللہ کے بیان کی مذمت کرتے ہوئے کہا کہ رانا ثناء نے کہا ہے کہ بانی پی ٹی آئی کے خلاف مزید کیسز بنائے جا سکتے ہیں۔

مزید پڑھیں: پاکستان اور چین سی پیک کو نئی بلندیوں پر لے جانے کے لیے پرعزم ہیں، وزیراعظم

اسد قیصر نے مزید کہا کہ دنیا کے سامنے ثابت ہو گیا ہے کہ جو کچھ ہو رہا ہے وہ انتقامی کارروائی ہے، اور ہمیں صرف عدالتوں سے امید ہے۔