وزراء نے لیا ویڈو اسکینڈل کی تحقیقات کرانے کا فیصلہ

🗓️ 13 فروری 2021

اسلام آباد (سچ خبریں) 2018 کے سینٹ انتخابات کا ویڈیو اسکینڈل سامنے آچکا ہے جس کے بعد سنسی پھیل گئی ہے اب وزراء نے اس ویڈو اسکینڈل کی تحقیقات کے لیے کمیٹی کی پہلی بیٹھک کی، اس بیٹھک میں ویڈیو ریلیز کرنے والے صحافی کو بھی طلب کرنے کا فیصلہ کیا گیا۔

وڈیو اسکینڈل کی تحقیقات کرنے والی وزراء کمیٹی کا پہلا اجلاس ہوا، اجلاس میں فواد چودھری، شیریں مزاری اور شہزاد اکبر نے شرکت کی۔

آج ہونے والے اجلاس میں طریقہ کار طے کرلیا گیا۔

کمیٹی نے طے کیا کہ لیک ویڈیو کا بھی فرانزک ہوگا، رقم بانٹنے کی ویڈیو کے بارے میں براہِ راست معلومات رکھنے والوں سے بھی تعاون کی اپیل کی گئی ہے۔

2018 کے سینیٹ انتخابات میں رقم وصول کرنے کی ویڈیو آئی سامنے

کمیٹی چھان بین کرے گی کہ ووٹوں کی خریداری کا فائدہ کس نے اٹھایا، ایم پی ایز کے ووٹوں کی خریداری کے لیے رقم کس نے مہیا کی۔

 کمیٹی نے ایک ماہ میں وزیراعظم عمران خان کو رپورٹ پیش کرنی ہے، جس میں ذمہ داروں کے خلاف کارروائی کی سفارش کی جائے گی۔

ذرائع کا کہنا ہے کہ کمیٹی سفارشات پر الیکشن کمیشن سے رجوع کرنے سمیت فوجداری مقدمات درج ہوسکیں گے۔

ایم پی ایز سے رقم لینے کی ویڈیو سمیت دیگر شواہد کا جائزہ لیا جائے گا، کمیٹی ایف آئی اے، آئی بی اور اینٹی کرپشن کی معاونت لے گی۔