ٹیلی گرام کا صارفین کے لئے اہم فیچر متعارف کرا نے کا اعلان

🗓️ 7 اکتوبر 2021

سان فرانسسکو (سچ خبریں) پیغام رسانی کے لیے استعمال ہونے والی موبائل ایپلی کیشن ٹیلی گرام نے کی  جانب سے صارفین کو ایک اہم فیچر متعارف کرانے کا اعلان کیا ہے جس میں صارفین کے لئے میسیج اپڈیٹ کا آپشن آئے گا اس سے قبل میسج ایڈیٹ کا فیچر فراہم نہیں کیا گیا تھا مگر اب یہ شکایت بھی دور ہوگئی ہے۔

واٹس ایپ کے متبادل کے طور پر سامنے آنے والی موبائل ایپلی کیشن ٹیلی گرام نے ٹیکنالوجی کے میدان میں اپنی دھاگ بٹھانے کے لیے نت نئے فیچرز متعارف کرائے ہیں۔اب ٹیلی گرام کا ایک ایسا منفرد فیچر سامنے آیا، جو کسی اور موبائل ایپلی کیشن میں موجود نہیں ہے۔

خیال رہے کہ اگر کوئی صارف پیغام غلط بھیجے جس میں ہجوں یا اسپیلنگ کی غلطی ہو تو اُسے ڈیلیٹ کر کے دوبارہ بھیجا جاتا ہے۔اب ٹیلی گرام نے صارفین کی یہ مشکل آسان کردی کیونکہ وہ غلط بھیجے گیے میسج کو درست کر کے دوبارہ بھیج سکتے ہیں۔

واضح رہے کہ وہ ٹیلی گرام صارفین جو میسج غلط بھیجیں گے ، انہیں یہ سہولت ہوگی کہ چیٹ باکس پر کلک کریں تو ایڈیٹ کا آپشن آئے گا، جس پر کلک کر کے وہ پیغام کو ٹھیک کرلیں گے۔