اسٹارک لنک پاکستان میں رجسٹرڈ ہوگئی، خدمات کی فراہمی کیلئے حکومتی منظوری کی منتظر

?️

اسلام آباد: (سچ خبریں) وزیر مملکت برائے آئی ٹی و ٹیلی کام شزہ فاطمہ خواجہ نے کہا ہے کہ انٹرنیٹ فراہم کرنے والی کمپنی اسٹار لنک پاکستان میں رجسٹرڈ ہوچکی ہے، ایلون مسک نے سوشل میڈیا پلیٹ فارم ایکس پر پیغامات کا جواب دیتے ہوئے تصدیق کی کہ کمپنی کے حکومت کے ساتھ مذاکرات جاری ہیں۔

وزیر انفارمیشن ٹیکنالوجی نے سوشل میڈیا پلیٹ فارم پر پاکستان کے انٹرنیٹ کاروبار میں اسٹار لنک کے داخلے کی صورتحال سے متعلق سوالات کا جواب دیتے ہوئے کہا کہ یہ رجسٹرڈ ہے اور لائسنسنگ کا عمل جاری ہے۔

اس کے ساتھ ہی کچھ صارفین نے ٹیسلا، ایکس اور اسٹار لنک کے مالک ایلون مسک کو ٹیگ کرتے ہوئے درخواست کی کہ وہ پاکستان میں سیٹلائٹ پر مبنی انٹرنیٹ سروسز فراہم کریں۔

ایک صارف نے لکھاکہ ’ پیارے ایلون مسک! براہ مہربانی اسٹار لنک کو پاکستان لائیں، ہمارے لوگوں کو، بالخصوص دور دراز علاقوں میں بہتر انٹرنیٹ کی ضرورت ہے، ایکس جیسے پلیٹ فارمز تک رسائی بھی یہاں محدود ہے، اسٹار لنک لاکھوں لوگوں کو جوڑ سکتا ہے’۔

ایک اور انٹرنیٹ صارف نے ایلون مسک کو مخاطب کرکے لکھا کہ ’پاکستان اسٹار لنک کے ساتھ مستقبل میں چھلانگ لگا سکتا ہے، جہاں ہر شہری کو رابطوں کے قیام اور ترقی کرنے کا موقع ملے گا، براہ مہربانی، اسٹار لنک کو کل کے لیے ہمارا پٰل بننے دیں‘۔

ایلون مسک نے صارف کی پوسٹ پر جواب دیا کہ ’ہم حکومت سے منظوری کے منتظر ہیں‘۔

رجسٹریشن کا عمل نیشنل اسپیس ایجنسی (این ایس اے) کے پاس ہے، جو اسپیس اینڈ اپر ایٹموسفیئر ریسرچ کمیشن ہے، اپریل 2024 میں حکومت نے ’نیشنل اسپیس ایکٹیویٹیز رولز 2024‘ کا نوٹیفکیشن جاری کیا تھا جس کا اطلاق پاکستان کی حدود کے اندر کی جانے والی خلائی سرگرمیوں پر ہوتا ہے۔

قوانین کے تحت قومی خلائی ایجنسی پاکستان میں غیر ملکی سیٹلائٹ ڈیٹا حاصل کرنے، تقسیم کرنے اور فروخت کرنے کے لیے غیر ملکی سیٹلائٹ آپریٹرز کے ساتھ کوئی بھی معاہدہ کرنے کی مجاز ہوگی۔

وزارت آئی ٹی کے ایک سینئر عہدیدار نے بتایا کہ رجسٹریشن کے عمل کے بعد سیٹلائٹ ڈیٹا آپریٹر لائسنس کے حصول اور خدمات شروع کرنے کے لیے پاکستان ٹیلی کمیونیکیشن اتھارٹی (پی ٹی اے) کے ساتھ رابطہ کرے گا۔

تقریباً 6 آپریٹرز اس وقت عالمی سطح پر سیٹلائٹ پر مبنی انٹرنیٹ خدمات فراہم کر رہے ہیں ، اور نئے کھلاڑی بھی میدان میں داخل ہو رہے ہیں، جن میں اسٹار لنک، ایمیزون، ون ویب اور ایک چینی آپریٹر شامل ہیں۔

دریں اثنا این ایس اے کے ذرائع کا کہنا ہے کہ چینی کمپنی نے بھی پاکستان کی انٹرنیٹ مارکیٹ میں داخل ہونے کے لیے معلومات حاصل کرلی ہیں۔

زمین کے نچلے مدار میں چلنے والے سیٹلائٹ، سیٹلائٹ پر مبنی انٹرنیٹ خدمات فراہم کرتے ہیں ، جو دور دراز علاقوں میں بھی مسلسل نشریات یا ڈیٹا کوریج فراہم کرسکتے ہیں جہاں ریڈیو ٹاور یا فائبر کیبل نیٹ ورک موجود نہیں ہیں۔

تاہم عہدیدار نے مزید کہا کہ اب تک صرف مالدیپ نے اسٹار لنک کو جنوبی اور جنوب مشرقی ایشیائی خطے میں لائسنس دیا ہے جبکہ بھارت اور بنگلہ دیش سمیت تمام ممالک زمین کے نچلے مدار سے سیٹلائٹ خدمات کے تکنیکی پہلوؤں کا تجزیہ کر رہے ہیں۔

مشہور خبریں۔

عراقی فوج نے داعش کے ٹھکانوں کو نشانہ بنانا

?️ 3 فروری 2022سچ خبریں:   عراقی مسلح افواج کے کمانڈر نے آج عراقی فوج کا

دفتر خارجہ کو مقبوضہ کشمیر میں جی 20 اجلاس کے پیچھے سازش کو بے نقاب کرنے کی ہدایت

?️ 3 مئی 2023اسلام آباد:(سچ خبریں) پاکستان نے ’متنازع خطے کے بارے میں ابہام پیدا

روس سے گیس فراہمی منصوبے پر کام کرنے کیلئے پاکستان اور ترکیہ میں اتفاق

?️ 16 ستمبر 2022اسلام آباد: (سچ خبریں)روس سے بذریعہ پائپ لائن پاکستان کو گیس فراہمی

سینیٹ کے بعد قومی اسمبلی نے بھی 26ویں آئینی ترمیم دو تہائی اکثریت سے منظور کرلی

?️ 21 اکتوبر 2024اسلام آباد: (سچ خبریں) ایوان بالا (سینیٹ) کے بعد 26ویں آئینی ترمیمی

اگر قابض لبنان میں رہے تو حزب اللہ چپ نہیں بیٹھے گا ؟

?️ 6 جنوری 2025سچ خبریں: حزب اللہ سے وابستہ لبنانی پارلیمنٹ میں مزاحمتی دھڑے سے

چین سے کورونا ویکسین کی مزید کھیپ پاکستان پہنچ گئی

?️ 6 جولائی 2021اسلام آباد (سچ خبریں)پاکستان کی جانب سے چینی کمپنی سائینو ویک   سے

مسجد اقصیٰ کے خلاف صیہونیوں کی نئی سازش

?️ 14 فروری 2022سچ خبریں:مسجد اقصیٰ کے خطیب کا کہنا ہے کہ صیہونی حکومت مسجد

فلسطینی مجاہدین کا قابض فوج کو خصوصی پیغام

?️ 8 نومبر 2023سچ خبریں: غزہ کی پٹی میں پیش قدمی کے بارے میں صہیونی

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے